Ijeremaya 22:2 - IWE ỌNỊNỊ

² Ẹwụ ohinọyị Ijuda, ana yaatụ ịrẹsụ aga ohinọyị Idevidi, ẹwụrị ezi ahụ awụ beri avaba Anijerusarẹmị ọ̀ wụ́ ịrẹyị ọnị Ẹnẹyịmavara kà.

Ijeremaya 22:2 Iomraidhean Croise

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Ayịsaya 28:14

Ẹwụ nịnị ana aā mẹ̀ isiya, ana vị ọdọvịdị Anijerusarẹmị, batọ dị wa wụ́ ịrẹyị ẹnị Ẹnẹyịmavara aa kà.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 13:18

Ijeremaya ka Ẹnẹyịmavara ộ ka ẹ yị ọnị ka, ọnị ọ̀ kà a yị ohinọyị ọnịrị ọnyị anị ka è chi hụụnị aga ohinọyị ẹnịnị, agụvị ka ọkẹkẹrẹkụ ẹnịnị ọ sị hụ hụrẹ wa ịrẹsụ.

Ijeremaya 19:3

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.

Ijeremaya 22:1

Ẹnẹyịmavara ộ kà a yị Ijeremaya ka, ọ̀ nọ ini eehi ohinọyị Ijuda dị ọ̀ na kà a ịzọọ ka:

Ijeremaya 22:4

Ọ kà wàa sị ịzẹyịza aa saasa ọda ọnị ọnị mẹ yị ụ nịnị aanị, evere Idevidi ẹyị vaa vị ohinọyị awụ nịnị pooro nị. Ẹnịrị ezi ahụ ẹnịnị beri Anijerusarẹmị nịnị vaa tụra ịkẹkẹ ịrẹkụ ọnịrị umaata zị oze ana a zịị̄ ngụ irehi ohinọyị nịnị aanịị parahu.

Ijeremaya 29:20

Ọ kà avaba ẹwụ nịnị ọnị ọnị dụ ne hi Ịbabịrọnị ọ̀ wụ́ o.

Ijeremaya 34:2

Ọ kà, Ẹnẹyịmavara, Ohomorihi Anisirẹrị nịnị ộ kà a yị ọnị ka, ọnị ọ̀ na kà a yị Ịzẹdẹkaya, ohinọyị Ijuda ka, ọnị Ẹnẹyịmavara vaa hụrẹ ẹkụra ọnọnị ụvọ yị ohinọyị Ịbabịrọnị dị ọ rị ọ ịra.

Ijeremaya 36:30

Avọọ, Ẹnẹyịmavara kà ọnị aa kà a yị ẹwụ ohinọyị Ijehoyakimi booro anị ka, ẹ́ yị ma vana nyị evere awụ anaa vanaa yaatụ ịrẹsụ aga ohinọyị Idevidii mẹ ohinọyị. Oku awụ vị ene e vee nee ta tụ ịzị ọyị vaa haa ku ọ ọọdụ, dị eguhi ee chire ku ọ ịrahụ.

Ijeremaya 7:2

Ọ kà, ọ̀ na jẹẹ oze ọnị Anijuda nịnịị zị ngụ ịnị irehi Ẹnẹyịmavara vaa hẹkẹ ẹ, dị ọ̀ kà a yị wa ka,

Ezikẹẹrị 34:7

Ẹwụ nịnị oseratẹmẹ ẹ̀ wụ́ ịrẹyị ọnị Ẹnẹyịmavara aa kà a wụ nịnị booro aanị.

Emọsị 7:16

Amaziya mẹmẹ vaa ya ịzẹnị ka asị ọnị ka ụtụ ọnị aa tụ́ ọnị hị́ Anisirẹrị.

Iruuku 1:32

Ọzọbanyị ọ vaa vị nị, Ozi Ohomorihi ene hu keekere a vaa hị́ ọ nị. Ohomorihi Ananyị yị vaa mẹ̀ ẹ ohinọyị tụ́ udi Idevidi ohiku anị.