Ijeremaya 22:1 - IWE ỌNỊNỊ

¹ Ẹnẹyịmavara ộ kà a yị Ijeremaya ka, ọ̀ nọ ini eehi ohinọyị Ijuda dị ọ̀ na kà a ịzọọ ka:

Ijeremaya 22:1 Iomraidhean Croise

2 Ịsamụwẹrị 12:1

Ẹkụhị ọnya dị Ẹnẹyịmavara tụ́ Inatanị hi Idevidi nị. Inatanị mè tù ịda Idevidi dị ọ ka, “Â nyị ọza ẹnị ẹẹva aanị ana yà ịnị ẹkụra ọnya aanị. Ọnya vị opisa dị ọsa ọnị vị onosiye nị.

2 Ịtọpa 33:10

Ẹnẹyịmavara ộ ka Ịmanasẹ ọnịrị aza anị ọnọ, dị ẹ yị wụ́ chire ẹ nị.

Ijeremaya 21:11

Ẹnẹyịmavara kà Ijeremaya ọ̀ ka ẹ yị avaba aza ohinọyị Ijuda ana vị evere Idevidi ka

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 22:2

Ẹwụ ohinọyị Ijuda, ana yaatụ ịrẹsụ aga ohinọyị Idevidi, ẹwụrị ezi ahụ awụ beri avaba Anijerusarẹmị ọ̀ wụ́ ịrẹyị ọnị Ẹnẹyịmavara kà.

Ijeremaya 34:2

Ọ kà, Ẹnẹyịmavara, Ohomorihi Anisirẹrị nịnị ộ kà a yị ọnị ka, ọnị ọ̀ na kà a yị Ịzẹdẹkaya, ohinọyị Ijuda ka, ọnị Ẹnẹyịmavara vaa hụrẹ ẹkụra ọnọnị ụvọ yị ohinọyị Ịbabịrọnị dị ọ rị ọ ịra.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Emọsị 7:13

Dị ọ ka asị Emọsị vana ka ẹtẹ ọnị oo re ịnị ẹkụra Ịbẹtẹrị. Ịbẹtẹrị ọ vị ohyẹtẹ irehi Ohomorihi Anisirẹrị nịnị nị. Ịzọọ Ijerobowami ya nị.

Ịmaakị 6:18

Dị Ịjọọnụ kà a yị Ịhẹrọdị ka, “Ẹ yị vọrọ ka wa dọ ose ọyịnyara awụ, dị ụ wa nyị ọọ.”