Ijeremaya 21:6 - IWE ỌNỊNỊ

⁶ Ọ kà, ọnị vaa avaba aza ene hi Ijerusarẹmị; aza ẹnịrị ịsụpa vị ọnị ụkụ odivi vaa wụ̀ ha.

Ijeremaya 21:6 Iomraidhean Croise

Oyinyima 6:7

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 33:12

Ẹnẹyịmavara Ochẹtẹẹngụ ka, ịzị ẹnaanị ana sị mẹẹ anka ẹtẹ ọyịwụ, dị ẹ̀ yị nyị aza à vị ịsụpa aanị, ọ vanaa nyị avị ohwoohu ịzị oseratẹmẹ nịnị zụ kụ atẹmẹ ẹnịnị ve hi.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 36:29

Ẹnẹyịmavara kà ọnị ọ̀ kà a yị ohinọyị ka, ọ́ sị iwe ọgọdọ ọnọọ rị ịra, á vị daa họ̀ Ijeremaya ka, sị ẹ vẹ dị ọ chẹrẹ ẹ ka ohinọyị Ịbabịrọnị vee du ẹkụra ẹnịnịị ha ahẹ. Dị aa họ̀ bẹẹ ka sị ẹ vẹ dị ọ ka ohinọyị Ịbabịrọnị vaa wụ̀ anẹkụra anị ọnịrị ịsụpa a ha.

Ijeremaya 42:22

Avọọ, yẹ́ nịnị ịzẹyịza ka, ịrẹkụ ụngwẹ ọnịrị ụkụ ọ vaa wụ̀ wụ nịnị vaa ha ịzị ụ ka waa naa rá nịnị avọọ nị o.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ezikẹẹrị 12:16

Ẹnẹyịmavara kà, ama, ọnị vaa navọ aza chee ka ẹ̀ vọ. Ịrẹkụ ẹ́ yị vaa rị wa, ụngwẹ ọnịrị ụkụ ẹ́ yị vaa wụ̀ wa, ẹkụra tụra ẹkụra ene ee ne hi, ẹnịnị ẹẹ dọ irenu ka ẹnị ệ mẹ ịsị anaa nyị ọnị ịhyẹrẹ; dị ẹnịnị ẹ̀ rẹ yẹ ka ọnị ọ vị Ẹnẹyịmavara nị.

Ezikẹẹrị 14:13

Ozi-ọza, ẹkụra ọyịvụrụ ọ̀ọ mẹ̀ ebira odivi hi ọnị, dị ẹnịnị ẹ̀ yị sị ayị tụra ọnị nị, ọnị vee gù wa oze ịsọyịrị. Ọnị vaa mẹ ka ụngwẹ ọ̀ kụ̀ wa, dị ọnị wụ̀ aza ọnịrị ịsụpa nịnị va ha.

Ezikẹẹrị 14:17

Ọnị ọ̀ọ va mẹ ka à kụ́ ịrẹkụ na ngụ ẹkụra ọnọọ, dị a wụ̀ aza ọnịrị ịsụpa nịnị va ha nị,

Ezikẹẹrị 14:19

Ẹnẹyịmavara kà, ọnị va mẹ ka ụkụ ọọ za anẹkụra ọnọọ, dị ọnị sị ọyịkụ-ọyịkụ aa wụ̀ aza ọnịrị ịsụpa nịnịị ha nị.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 33:27

Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị.

Ezikẹẹrị 33:29

Ịjị ọnị ọ̀ọ ra hụ agụvị ebira odivi Anisirẹrị nịnị sị ụya rị wa, dị ọnị tụ́ ẹkụra ẹnịnị osusu nị, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 7:15

Aa kụ̀ ịrẹkụ eyi ẹhẹ, ịsa aa zị aza ene hi ini eehi, dị ụngwẹ aa kụ̀ wa nị. Ọza ana àa jịnẹ tụ ẹhẹ hụụnị ẹkụra vị ọnị ịrẹkụ aa rị, ọza anaa va yà ịnị eehi, dị ụkụ ọnịrị ụngwẹ taa ku.

Ihoseya 4:3

Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịzẹhwanaya 1:3

Oni e hì aza ọnịrị uye beri inomi ọnịrị ivovo nịnị hụrị ẹhẹ. Ọnị vaa mẹ ka aza edivi ọnịrị aza anaa tụ ọza ẹda ka ẹ hyẹdụ. Avaba aza ọnị vee vu ẹtẹ hụrẹ ịrẹsụ ẹtẹ nị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”