Ijeremaya 21:5 - IWE ỌNỊNỊ

⁵ Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 21:5 Iomraidhean Croise

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ọyịkụra 9:15

Ẹnẹyịmavara kà Imosiisi ọ̀ rẹ kà a yọ ka ọnị yaanị nyẹngụ sị ụkụ za ọnịrị aza anị dị ọnị wụ̀ avaba ẹnịnị hụrẹ ẹhẹ.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 37:10

Ọ kà Anijuda nịnị ẹ̀ẹ daka nọ ịrẹkụ Anibabironi, dị e huna wa, dị ahịka aza ana tọ̀ ụnava ẹ vọ hi ịnị ajẹngụ ẹnịnị nị, aza ẹnẹẹ yị vaa kwẹẹtẹ dị ẹ rị Ijerusarẹmị ịra saka-saka.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Arụwẹ 2:3

Ọ raa sị ọyịkụ-ọyịkụ gara ụkata Anisirẹrị nịnị ha. Ô yị ẹ yị mẹ̀ ọgụvọ yị ẹnị ịjị ọnịvị kwẹẹtẹ tu ẹnị. Ohomorihi vana sị ọyịkụ-ọyịkụ vu ẹnị ẹtẹ anka ịra mee vu ịsa ẹtẹ avọọ.

Ezikẹẹrị 39:3

Òo tu ịzọọ, ọnị vaa nya a ịsa ụvọ, dị ọnị dọ ọ ọkịta hụrị ụvọha anị, dị ọnị rẹ dọ ọ ọpa hụrị ụvọrị anị.

Ezikẹẹrị 5:8

Ẹnẹyịmavara kà ọnịrị ẹwụ nịnị Anijerusarẹmị ọ́ raa sị eyi gẹrị ẹngụ. Ọnị vaa sị́ ụyaa rị wụ nịnị dị avaba anẹkụra ana vọ nịnị è ré e.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.