Ijeremaya 21:4 - IWE ỌNỊNỊ

⁴ ẹ̀ na kà a yị Ịzẹdẹkaya ka Ẹnẹyịmavara, Ohomorihi Anisirẹrị ka, ọnị vaa và ẹnya ịrẹkụ ana yà ịnị ụvọ Ịzẹdẹkaya eyii kà a, ẹnya ịrẹkụ enee sii pe ohinọyị Ịbabịrọnị ọnịrị aza anịị kụ ịrẹkụ avọọ. Ọnị vaa kụ wa gụ ịnị akakana Ijerusarẹmị.

Ijeremaya 21:4 Iomraidhean Croise

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 13:4

Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 21:3

Dị Ijeremaya kà a yị aza ana tụ ve tu ọ ka, Ẹnẹyịmavara kà

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 32:3

Ọ kà ohinọyị Ịzẹdẹkaya ọ jị ọnị ẹngwa tụ ịzọọ nị, agụvị ka ọnị ộ va kà a ka Ẹnẹyịmavara kà ọnị vaa sị Ijerusarẹmị chire ohinọyị Ịbabịrọnị ụvọ dị ọọ nyị ẹbẹẹba ẹnịnị.

Ijeremaya 32:5

Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Ijeremaya 33:5

Anibabironi nịnị vaa wụ̀ aza vaa hi ẹtẹ vẹẹrẹ. Ẹnẹyịmavara kà aza ẹnẹẹ vị ọnị ọnị vịdị sị ọyịkụ-ọyịkụ wụ. Ọ kà ọnị vaa sị eyi kwooze yị Anijerusarẹmị agụvị ebira odivi ẹnịnị.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 39:3

Ịjị ụvọ sị kara Anijerusarẹmị, dị avaba ezida ohinọyị Ịbabịrọnị ngụ eehi, dị ẹ́ yaatụ oze ịnị akakana ana aā zị ngụ ịnị ẹkụra nị. Aza ẹnẹnị ẹ vavọọ ngụ eehi nị: Inagari-Ịsarẹza, Ịsamịga-Inebo, Isasekimi, Inagari-Ịsarẹza ọsa beri ẹnị ọdọvịdị ịdị ohinọyị Ịbabịrọnị ana vọ.

Ijeremaya 52:18

Ẹnịnị ệ rẹ kụ ịchọvịrị ọnịrị ẹnya ana aa kụ atịtọọ hi aa maanị ee hi ụta ịsị ịsọvọ. Ệ kụ ẹnya ene e sii mi ozotupa, ịchacha ana aā và a hi aa maanị aa wụ ịsị ịsọvọ, ẹnya ana a sịị̄ rị eturare ịra ọnịrị avaba ẹnya ana vọ ana a sị mẹ̀ ụkọrọ ịnị irehi Ohomorihi, ana a sị enyusẹ ọkatarihi mẹ.

Arụwẹ 2:3

Ọ raa sị ọyịkụ-ọyịkụ gara ụkata Anisirẹrị nịnị ha. Ô yị ẹ yị mẹ̀ ọgụvọ yị ẹnị ịjị ọnịvị kwẹẹtẹ tu ẹnị. Ohomorihi vana sị ọyịkụ-ọyịkụ vu ẹnị ẹtẹ anka ịra mee vu ịsa ẹtẹ avọọ.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Arụwẹ 2:7

Ananyị yị o yí ụta ịsọvọ anị tịtẹ, dị ộ jịnẹ hụụnị irehi ọnịnị Anị nị. Dị ọ navọ ka ọnịvị ẹnịnị è ve wu ọvọ va hi ẹtẹ nị. Dị ẹ jẹẹ ịnị irehi Ohomorihi, dị ẹ̀ nowu hyịwụụ èe rere aa rị eche avọọ. Dị ẹ kà ẹnị ẹ raà nyị ẹbẹẹba ẹnịnị nị.

Ezikẹẹrị 39:3

Òo tu ịzọọ, ọnị vaa nya a ịsa ụvọ, dị ọnị dọ ọ ọkịta hụrị ụvọha anị, dị ọnị rẹ dọ ọ ọpa hụrị ụvọrị anị.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.