Ijeremaya 20:3 - IWE ỌNỊNỊ

³ Ijeremaya ka, ẹnẹnẹ eyinẹhẹ anị, Ipasihuri mẹ raa hụrẹ ọnị ụvọ, dị ọnị kà a yọ ka, ẹ́ yị vị Ẹnẹyịmavara ọ sị ịrẹha yọ ka ọnị ọ rị Ipasihuri. Ịrẹha ọnị ọ sị yọ ọ vị ochire ọza angwa avaba aha nị.

Ijeremaya 20:3 Iomraidhean Croise

Oyinyima 17:15

Di Ohomorihi rẹ kà a yị Abụrahamị dị ọ ka, “Hụrị ajịnị na, asị ụ rẹ kụkụ hị́ ose anị Isarayi. Ịrẹha anị ọ kụkụ rị Isera nị.

Oyinyima 17:5

Ẹ yị kụkụ vị Abụramị ịrẹha anị rị, ọnị ọ kụkụ rị Abụrahamị nị, agụvị ka ọnị ọ raà vara a ada otomiroku anẹkụra.

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ayịsaya 8:3

Ụmẹ ọnya di ose emi ee zyẹẹ nị. Ộ ma ozi ọnọrụ ọnya, dị Ẹnẹyịmavara kà, “Ịrẹha anị ọ rị Ịmahẹrị-Ịsararị-Ịhasị-Ịbazị nị.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

Ijeremaya 19:6

Avọọ, ụmẹ aa vẹ ọnị ọza ẹ yị ma vana hị́ ịzị ẹnị Itohwẹtị à vị inozi Ihinọmị. Inozi ana a yaa wụ̀ ọza á vanaa hị́ ọ nị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 29:29

Ijeremaya ka Ịzẹhwanaya ộ ka ịrẹta ọnọọ zụ ọnị,

Ijeremaya 46:5

Ama Ẹnẹyịmavara ộ họ̀ ka, sị ọnị ee ré anị kẹ? Isoja Anijipiti nịnị aa hụrẹ ayịnẹ, Ẹnịnị ee zwèe vaa nọ ịrẹma.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ijeremaya 7:32

Avọọ, ụmẹ aa vẹ ọnị ọza ẹ yị ma vana hị́ ọ Itohwẹtị à vị akakana ataba ẹẹva Ihinọmị, ama dị a hi ka ịnị akakana ataba ẹẹva ana aā wụ̀ aza aa hị́ ọ nị. Ka ẹnịnị vee ne oku ịzọọ pooro nee tu ka asị e kụkụ re aha ne oku tụ.

Arụwẹ 2:22

Ẹnẹyịmavara ộ tụ hị́ ọnịvị anị hụrị eyi ọnyị eyi ọsa anka a mẹẹ tụụ hị́ aza aa rị eche avọọ, dị ẹ va takara ayị nị. Ịhị Ẹnẹyịmavara aa kụ ayị, ẹ yị nyị ọza ana ha. Ọnịvị amị nịnị ẹ sị ezi emi ọnị mị paa dị mị sì ịrẹyị anị wụ̀ va ha.

Ezikẹẹrị 13:9

Ọ kà ọnị aa vaa sị ụyaa rị ẹwụ nịnị ọnịsẹ enee re ẹtẹ apaapẹ, dị waa ka ịrẹyị ọnị waa sịị kụ azaa nyeeyi nịnị. Wẹ́ yị vaa yà ịzị aza anị ẹẹ kụ́ gụ aa geyi. Ọza ẹ́ yị vaa chẹrẹ ịrẹha awụ nịnị beri aza ana vị Anisirẹrị. Wẹ́ yị ma vana và nọ eehi awụ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Odeyi 16:30

Dị ọ kụ́ wa jịnẹ tụ́ ẹhẹ, dị ọ ka, “Nda, sị a vọrọ ka ma mẹ dị ma zụ há nịnị?”