Ijeremaya 2:8 - IWE ỌNỊNỊ

⁸ Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 2:8 Iomraidhean Croise

1 Ohinọyị 18:22

Di Erija rẹ kà, “Ẹmị ịnyara kẹnẹ ọ vị ọnịsẹ Ẹnẹyịmavara ana vọ nị. Ama ọnịsẹ Ịbaarị ẹnị vị ẹnị akava tụra ẹvarẹwụ.

1 Ohinọyị 18:29

Ịjị ọọdụ aa parahu, di e nyima dị ẹ yaa kà ịsẹ nị. Ệ kà ịsẹ ọnọọ pooro ne tù ụmẹ ana a sịị̄ mẹ̀ ịsọvọ ụmẹ ọọdụ, ama Ịbaarị o yi tụ́ ohi vụrụ-vụrụ.

1 Ohinọyị 18:40

Di Erija ka ẹ̀ za ọnịsẹ Ịbaarị ẹnẹẹ, asị a nyị ana zẹẹ ka ò zwe. Ịzẹyịza dị a za wa di Erija kụ́ wa chi nọ ini orosi Ikisoni dị ọ na wụ̀ wa ịzọọ nị.

Ijoovu 35:10

Ama ẹnịnị ẹ́ ma kà a ka, ịzị Ohomorihi amị ana tụ mị yà, Ohomorihi ana sị ọyịtureyi yị wa ịnị ụmẹ ọnị ịrahụ ruma-ruma sị za wa.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Ayịsaya 30:5

ama ụhị ọ vị vaa nyị avaba awụ nịnị nị. Wa na sị ayị tụra anẹkụra ẹnẹ ẹ̀ yị rụra sị ayị tụra nịnị. Ụmẹ oni wee ro ka o si tù ka ẹ̀ gụ wụ nịnị ụvọ ụmẹ ọnọọ gẹdẹ-gẹdẹ ẹ vaa sị mẹ ụhịị nyị wụ nịnị nị.

Ijeremaya 10:21

Dị Ijeremaya tụ́ ohi ka, ọdọvịdị ẹnịnị vị ọnụra-ọnụra. Ẹnịnị ẹ yị họ̀ Ẹnẹyịmavara kà ọ zụ ẹnị oze, avọọ ẹnịnị sẹ ẹdụ, dị aza ẹnịnị sị gara nị.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 2:11

Ọ kà áá nyị anẹkụra ana ka a ka ẹnị ẹ yị kụkụ yẹ ori ẹnịnị da, ọọ daka vị ka ẹ yị nyị ịsị ori ẹnẹẹ vị? Ama aza anị ẹ raa sị ọnị ana mẹ ka a sị ụbanyị wa na dọ ori ẹnẹ ẹ yị nyị ịsị ẹ zụ mẹ yị wa.

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 7:8

Ẹnẹyịmavara kà, wee re, wa raa dọ ịrẹyị evene wụ nịnị tụ ịnị osusu.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ihabaku 2:18

Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Iruuku 11:52

Ẹwụ nịnị ọzwọzọda, wa sị dà nịnị. We reè gu oze ịrẹyọyẹ hi aza, we si oo chire, dị ụ sị ụkọkọrọ anị rị ụvọ nịnị nị. Ẹwụ nịnị ụvọta ọ yị ngụ eehi; aza ana vaa vụrị ka ẹnị ẹ̀ ngụ eehi, wa sị wa dọ oro nịnị.”

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

Iwe Ọhụhị Imosiisi ana aa hị́ Ọyịvatụrọda 33:10

Ẹnị ẹ vaa zụ aza awụ ka ẹ saasa ọda awụ nị. Ẹnị ẹ rẹ vaa mẹ̀ ịsọvọ ịrẹsụ ụta anị nị.

1 Ịsamụwẹrị 12:21

Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.