Ijeremaya 2:21 - IWE ỌNỊNỊ

²¹ Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ijeremaya 2:21 Iomraidhean Croise

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ahẹ Ụgama 80:9

Dị u tenyi ẹtẹ kara yị, dị yaa nyị ahụụ hị́ ẹtẹ, dị yaa yara, dị ị kụkụ dọ avaba ẹtẹ ọnọọ nị.

Ọyịkụra 15:17

Ụ vaa kụ̀ waa vẹ, di ụ mẹ ka ẹ̀ yà ịrẹsụ ataba awụ. Ẹnẹyịmavara, ịzọọ ụ sị mẹ eehi awụ nị. Ẹwa sị ụvọ awụ dà irehi awụ ọnọọ nị.

Ayịsaya 1:21

Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza.

Ayịsaya 27:2

Ụmẹ ọnọọ Ẹnẹyịmavara vaa jị ahẹ gono ụbazị anị dị ọ ka,

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ijeremaya 11:16

Ọ kà, ọnị ộ vịdị hị́ wa ọchị orivi avị-avị da, dị ọ tụ ẹtụtụ ozoza-ozoza nị. Ama booro aanị, ọnị vaa sụrẹyị anka apaapa ihinẹba avọọ, ọnị vaa jị ịraa da a, dị ọnị che avaba avọ anị ha.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Arụwẹ 4:1

Kaaa! Ezi Anijerusarẹmị ana vịdị maanị nyị ụbanyị anka igooru ana za ẹtẹ avọọ ẹ maanị mi aanị nị? Ịrẹta ana sị da irehi Ohomorihi ẹ kụ gara và hí avaba oze ẹkụra.

Ezikẹẹrị 15:2

Ozi-ọza, sị ọkụ ịvayịnị sị huna ọkụ ana vọ kẹ? Sị́ avọ anị si huna ọchị ana vọ hi ini iruku kẹ?

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Iruuku 20:9

Dị Ijeesu nyima aa sị ụhịrẹyị ọnọnịị kà ịrẹyị yị wa nị. Dị ọ ka, “Â nyị ọza ịnya aanị ana dà ụbazị, di o si rere aza anaā sịị eyii pe ụbazị nị. Di o si hu aa hụrẹ eehi nee kù nị.

Ịjọọnụ 15:1

Ijeesu ọ rẹ kà a yị ezirẹma anị ka, “Mị sị mẹẹ anka ọchị anaā tụ́ ana aā hị́ ịvayịnị avọọ nị. Ada amị vị ana sị mẹẹ anka ọza ana nyị ụbazị ene ee tenyii ọchị ọnọọ avọọ.

Iwe Ọhụhị Imosiisi ana aa hị́ Ọyịvatụrọda 32:32

Ọnịvị ẹnịnị ee du ha anka Anisodọmị ọnịrị Igomora. Ẹ sị mẹ anka ọchị ịvayịnị anaa tụ ẹtụtụ ọnyịrẹyị, a vị igirepi ene divi huu ẹchịpa.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Ijosuwa 24:31

Anisirẹrị nịnị ệ hẹkẹ Ẹnẹyịmavara ịnị avaba ụmẹ ọnị Ijosuwa yara, ịrẹma anị ẹnịnị ệ vavọọ hẹkẹ Ẹnẹyịmavara ẹyị ọdọvịdị nịnị ene re ịsa ọnị Ẹnẹyịmavara mẹ̀ yị Anisirẹrị.