Ijeremaya 2:2 - IWE ỌNỊNỊ

² ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 2:2 Iomraidhean Croise

Ahẹ Ụgama 129:1

Anisirẹrị ẹ̀ kụkụ kịị kà a kẹnẹ ka A raà mẹ ehuna mị ẹnẹmẹhị. M mẹ̀ hụrẹ vị ozweyi ẹ hụrẹ aa mẹ ehunaa mị nị.

Ọyịkụra 14:31

Ịjị Anisirẹrị maanị re ụkata ọbanyị ẹnị Ẹnẹyịmavara si tụ́ ẹhẹ dị o si pè Anijipiti vụ ịrẹvụ ẹnịnị ê hí angwa anị. Dị ẹ sị ayị tụra a ọnịrị Imosiisi ana vị ozi ahụ anị nị.

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ụhịrẹyị 1:20

Ịrẹyọyẹ vị ana sị mẹ anka ọza ana a jẹẹ ozehinava ọnịrị ịnị orere dị aa nọ ọ ka ọzọza ọ vaa wụ́ ịrẹyị avọọ nị.

Ahẹ Isoromọnị 3:11

Ẹwụ nịnị anyẹnẹẹ Anịzayọnị, jịnẹ vẹ, dị we ve re ohinọyị Isoromọnị nịnị. Ve re o me ku amu ohinọyị ọnị ọnyị anị si ku ọ ịhị ana aa nyị ọnẹẹ. Ịhị ọnọọ ọ vị ẹkụhị ayohine anị hu kere-kere nị.

Ahẹ Isoromọnị 3:6

Sị ẹ́ hụụnị ụnọmị aa hịrẹẹ vẹ anka areyi ọbanyị anaa dá avọọ kẹ? Avaba ẹngụ anị aa dagụ kwẹ̀ẹ̀ yị eturare ana aā hị́ ihwirankisesi ọnịrị ịmaya ana á hị́ hụụnị ụvọ osohu nịnị avọọ

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 11:6

Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

Ijeremaya 2:1

Ijeremaya ka Ẹnẹyịmavara ộ tụ ọnị ka,

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ijeremaya 7:2

Ọ kà, ọ̀ na jẹẹ oze ọnị Anijuda nịnịị zị ngụ ịnị irehi Ẹnẹyịmavara vaa hẹkẹ ẹ, dị ọ̀ kà a yị wa ka,

Ezikẹẹrị 16:22

Ẹnẹyịmavara kà, avaba ụmẹ ọnị ụ sị aa sẹ̀ ịrẹka, dị waa mẹ ịsị eenyisi zị, wẹ́ yị daba tamayị ịjị ọnị vị ozweyi, ọnị wáá tụ ahwaahụụ zịị?

Ezikẹẹrị 16:60

Ama ọnị vaa mẹ ịsị ọnị ọnị kà a ka ọnị vaa mẹẹ yị wụ ụmẹ ọnị ụ vị ozweyi, dị ọnị hị́ eku yị wụ ọnị ọnị ẹ̀ yị vaa và ịnị anị pooro.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ezikẹẹrị 23:19

Ama vị Ohoriba yị dụ ụvọ tụ ịnị ụvọ ịnị ịrẹkọyịsẹ hu avọọ nị. Ịrẹka ọyịsẹ anaa sẹ̀ ọ́ mẹ hụrẹ vị ozweyi ịnị ẹtẹ Ijipiti aa yịị sẹ̀ nị.

Ezikẹẹrị 23:3

Ụmẹ ẹnị ẹ ra ẹtẹ Ijipiti, ozweyi ẹ́ vị dị a sị wa hụ nị; dị ẹnịnị kụkụ aa sẹ̀ ịrẹka nị.

Ezikẹẹrị 23:8

Ẹ́ yị hụụnị ịrẹkọyịsẹ ọnị o nyima anị Ijipiti. Ọ mẹ hụrẹ vị ozweyi ọnịrị ọnọrụ nịnị â sụ̀, dị ẹyaa kụ ụvọ sìsi ọ ẹngụ anka ọsẹrẹka avọọ nị.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ihoseya 2:17

Ẹnẹyịmavara kà ọnị vaa mẹ ka Isirẹrị o hi ayị ori Ịbaarị nịnị, dị ọza ẹ yị kụkụ hị́ ịrẹha ẹnịnị vụrụ-vụrụ.

Ihoseya 2:7

Ọ̀ọ dụ onyeehi anị pooro, ụvọ anị e yi vee ku ọ. Òo si wa, o yi vee re wa. Ịjọnọọ ọ vaa kà a ka ọnị aa va ka ọva ịpaapa na, ịzị ẹhẹ anị yaa ze yọ hu.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ijona 1:2

dị ọ kà a yọ ka ọ̀ nọ ẹkụra ọbanyị ana aā hị́ Ininivẹ nị. Ọ kà anẹkụra ọnọọ ọ̀nọ̀ agụvị ka ọnị ee re ebira odivi ọnị ẹ yaa mẹ.

Imatiwu 11:15

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!

Iruuku 12:13

Ọza ịnya ịnị ọkọnị aza ana jẹẹ ịzọọ, ộ kà a yị Ijeesu ka, “Nda, kà a yị ẹnẹbẹnị amị ka ọ̀ gà ogu ada ayị, dị ọ̀ sị áamị yị mị!”

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.