Ijeremaya 2:16 - IWE ỌNỊNỊ

¹⁶ Anẹkụra anaā hị́ Imemuhweri ọnịrị Itapanihesi ẹ sị ịsa ana Anisirẹrị nịnị aa sịị mẹ ụbanyị gara ha.

Ijeremaya 2:16 Iomraidhean Croise

2 Ohinọyị 18:21

Anijipiti ọnị u si eyi tụra aanị, vị ana vaa sị mẹẹ anka ọza ọ̀ọ sị ẹpọmọ ene si che mẹ okutẹ avọọ. Vị ẹngụ okutẹ ọnọọ vee che, dị ọ jị ngụ wụ ụvọ nị. Avọọ ohinọyị Ijipiti mẹ̀ yà yị ọza ana si eyi tụra a nị.

2 Ohinọyị 23:33

Ohinọyị Ineko vana za a, dị ọ jị ọ ẹngwa tụ́ Iribira ịnị ẹtẹ Ihamati, dị ọ mẹ ka Anijuda ẹẹ sị isiriva ikirogirami ọ jị akata ha ịnị akawụ-akawụ oze ẹẹva ọnịrị igooru ikirogirami ohurẹẹwụ tụra ẹẹna vaa yị ọnị.

Ayịsaya 19:13

Ọdọvịdị Anizowanị ọnịrị Ijipiti vị ọnụra. Ẹnị ana a ka ẹ̀ si oze zụ̀ aza, ẹ raà kụ́ wa nyeeyi.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 8:8

Ịrẹkụ ọnọọ vị tana ụvọ naa kanyị avaba Anijuda anka okuha mẹẹ mụnẹ ọza tù ọrọkọ avọọ. Ohomorihi navọ wá jẹẹ pè yị.

Ijeremaya 44:1

Ijeremaya ka, Ẹnẹyịmavara ộ kà ịrẹyị yị ọnị ịnị ịpa avaba Anisirẹrị ene hi Ijipiti. Ẹnịnị vị ene hi ẹtẹ Imigidori, Itehahwinehesi, Imemihwisi ọnịrị eyi ụvẹtẹ Ijipiti.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 46:19

Ọ kà ẹwụ nịnị Anijipiti ò tenyi ka aa vaa za awụ nịnị ọrịhị. E vee vú Imemihwisi ẹtẹ. A vaa jị ọ eburu dị ẹ yị nyị ọza ana kụkụ ra ịzọọ.

Ijeremaya 48:45

Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ezikẹẹrị 30:16

Ọnị vaa jị ịraa da Ijipiti, dị Aniperusiyumi nịnị ee rimanya. Ọvọ ana a jị kara Itebesi vị ọnị ọnị vaa chakaa vaa hi ẹtẹ, dị ọhaara enyi vá kụ́ ẹkụra ọnọọ. Aza ene hi Imehwisi vị ana vaa ra ini angwahi ọnịvị ẹnịnị pooro.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 33:20

Yị Anigadi, ọ ka; Ẹnẹyịmavara vaa ngụ ayị ẹnịnị, dị ọ da ẹtẹ tụ ịnị ẹtẹ ẹnịnị yị wa. Agụvị avọọ ẹnịnị ẹ kụ Ohomorihi avọ. Ẹ vaa ra ịzọọ anka idu ene tenyi ẹngụ e zi avọọ nị.