Ijeremaya 19:9 - IWE ỌNỊNỊ

⁹ Ọnịvị Anijerusarẹmị nịnị vaa tara kara Ijerusarẹmị dị e yee si oze ka ẹnị ẹ̀ wụ̀ aza ene hi ịnị anị. Ịrẹyị ọnọọ vee divi ẹtẹẹtẹrẹ dị aza ene hi ịnị ẹkụra kụkụ aa wụ ẹngụ rị. Ẹ hyakụ vaa wụ̀ ezi ẹnịnị rị bẹẹ.

Ijeremaya 19:9 Iomraidhean Croise

2 Ohinọyị 25:3

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị.

Ayịsaya 9:20

Avaba ịzị aza ẹ̀ẹ ya re ịsọyịrị ịnị ẹkụra ọnọọ vị ene vee zunee rị, ama dị ụngwẹ aa kịị kụ̀ wa. Ẹ hyakụ vaa wụ̀ ozi ẹnịnịị rị bẹẹ.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 38:9

Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Arụwẹ 4:10

Ẹngụkata ana vẹ, vị ana kụ odivi gẹ ẹngụ. Anyẹnẹẹ ana ahịka ẹẹ ngwayị ezi ẹnịnị ẹtẹẹtẹrẹ, vị ana kụkụ vana sị ezi ẹnịnị mẹ ịsọyịrị, dị ẹ yaa chịnẹ wa rị nị.

Ezikẹẹrị 5:10

Ụyọrị ọnọọ, ada rị ozi nịnị vaa wụ̀ ẹngụụ rị Ijerusarẹmị. Ẹnẹyịmavara kà ọnị vaa sị ụyaa rị wụ nịnị, dị ọnị gara aza awụ nịnị ana vẹtẹ ne hi avaba aha.

Ireevi 26:29

Ọ kà ụngwẹ ana vaa kụ̀ wa vaa banyị ẹtẹẹtẹrẹ, dị ọ mẹ ka ẹnịnị ẹẹ wụ ezi ẹnịnịị rị.