Ijeremaya 19:7 - IWE ỌNỊNỊ

⁷ Avaba eyi ọnị Anijuda nịnị ọnịrị Anijerusarẹmị nịnị aa gẹ vị ọnị ọnị vaa gara hi wa ụvọ ịzẹnaanị. Ọ kà, ọnị vaa navọ ka ọnịvị ẹnịnị e huna wa eyi ịrẹkụ dị ẹ wụ̀ wa ha. Oku ẹnịnị vị ọnị ọnị vaa sị mẹ̀ ịsọyịrị yị inomi ọnịrị uye ịnị avị nịnị.

Ijeremaya 19:7 Iomraidhean Croise

2 Ohinọyị 21:14

Ẹnẹyịmavara kà ọnị vaa hụrẹ wa ụvọ, dị ọnị sị wa chire ọnịvị ẹnịnị ụvọ. Dị ẹ rị wa, dị ẹ dọ wa ẹtẹ.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Ijeremaya 15:2

Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 22:19

Ọ kà, vị a vaa mẹ oku anị a mẹẹ mẹ oku ịkẹrịkẹtẹ avọọ nị. Vi e vee tụra oku anị ẹtẹ dị e ne e na tụ ịrẹma Ijerusarẹmị nị.

Ijeremaya 22:25

Ọ kà ọnị vaa sị ọ chire aza enee si o usu, ọnị ọ́ vavọọ ee hí angwa anị avọọ ụvọ. Ọnị vaa sị ọ chire Inebukadineza, ohinọyị Ịbabịrọnị ọnịrị isoja anị nịnị ụvọ.

Ijeremaya 32:28

Agụvị avọọ, Ẹnẹyịmavara kà: Rẹ, ọnị vaa sị Ijerusarẹmị chire Inebukadineza ohinọyị Ịbabịrọnị ọnịrị ezirẹkụ anị nịnịị ụvọ. Ẹnịnị vaa nyị ẹbẹẹba anị,

Ijeremaya 34:20

vị ọnị ọnị vaa kụ chire ọnịvị ẹnịnị enee si wa usu ụvọ. Inomi ịnị ahị ẹnịrị uye ịnị avị nịnị ẹ vaa rị oku ẹnịị nị.

Ijeremaya 46:26

Ọ kà, ọnị vaa sị wa chire Inebukadineza, ohinọyị Ịbabịrọnị ọnịrị isoja anị enee sì wa isu ụvọ. Ama, ọ̀ọ da ku chee, aza rẹ vanaa ra Ijipiti anka ịyẹẹyẹ.

Ijeremaya 7:33

Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ijeremaya 8:8

Ọ kà, ụ mẹ mẹ zụ kà a ka waa yẹ ịrẹyị nịnị, ọnịrị ka waa yẹ ọda anị nịnị? Re, ọzwọzọda nịnị ẹ raa sị irikichi vara ọda anị.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Aniroomi 4:14

Àa yaanị vị ọza anaā saasa ọda, Óhomorihi wo oto ka ẹ vaa nyị ẹhẹ nị, ịrẹyị aza ana sị ayị tụra Ohomorihi kụkụ yaanị vị kẹnẹ-kẹnẹ. Dị ịsa oni Ohomorihi rẹẹ ịzẹzẹ anị ọnị rẹ vị ịrẹyị kẹnẹ-kẹnẹ.

1 Ịsamụwẹrị 17:46

Ẹnẹyịmavara aa sị wụụ chire mị ụvọ ịzẹnị ka ma wụ̀ wụ ajịnị. Maa wụ̀ wụ, dị mị jị wụ ịrẹsụ kwooze. Ajịnị mi maa sị oku isoja Anihwirisiti yi inomi ene hi ẹbẹẹba ọnịrị uye ịnị avị nị. Avaba anẹhẹ vaa yẹ ka Anisirẹrị ệ nyị Ohomorihi.