Ijeremaya 19:5 - IWE ỌNỊNỊ

⁵ Ụta-ịsọvọ vene hi yị Ịbaarị ịzị ẹ vaa yaa sị ezi ẹnịnị mẹ ịsọvọọ dị ẹ rị ọ ịra yọ. Ẹnẹyịmavara kà ọnị ẹ yị mẹ ọda yị wa ka ẹ̀ vavọọ mẹ. Ọnị e yi re rò ka ẹnịnị ẹ́ zụ vavọọ mẹ.

Ijeremaya 19:5 Iomraidhean Croise

2 Ohinọyị 17:17

Ệ sị ezi ẹnịnị mẹ̀ ịsọvọ ana aā rị ịra hi ori aza ẹnẹ ẹ yị ma hẹkẹ Ohomorihi. Ẹyaa nọ ịdị ọmahọnọ ọnịrị ọhẹva nịnị, dị ẹ sị avaba ẹngụ ẹnịnị saka-saka aa mẹ ịsị ẹnẹ ẹ̀ yị vọrọ eyi Ẹnẹyịmavara nị. Ẹnịnị ệ mẹ ayị kụ ọ.

2 Ohinọyị 21:6

Ô si ozi ọnọrụ mẹ̀ ịsọvọ, ana aā rị ịra yị ori, dị ee re ẹtẹ, di aa ha ẹva, di ee pè arịjẹnụ ka ịrẹyị nị.

2 Ịtọpa 28:3

Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ezikẹẹrị 16:36

Ẹnẹyịmavara Ananyị ụkata hu ka, wâ ngwa ịta awụ anka ọsẹrẹka avọọ, dị ụ sị ẹngụ awụ yị aza ọnị ụ sì ịrẹyị anị nị. Wâ rẹ sị ẹngụ awụ yị avaba ori ẹnẹnị anaa nyị ọza ịhyẹrẹ aanị, dị ụ wụ ezi ewu, ọnị ụ sị mẹ̀ ịsọvọ yị ori ẹnẹnị nị,

Ezikẹẹrị 20:26

Ọnị ộ mẹ̀ ka ẹyịza ẹnẹ ka ẹnị aa mẹ ọ̀ ngụ wa agụ; dị ọnị navọ wa ka ẹnịnị ẹẹ sị ozi ịpaapa ẹnịnịị mẹ̀ ịsọvọ yị ori ẹnịnị nị. Ọnị ộ vavọọ mẹ wa agụvị dị ọnị ọ̀ sị ụya rị wa ẹtẹẹtẹrẹ, dị ẹnịnị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 38:10

Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi.

Ịdanịyẹrị 2:29

Dị Ịdanịyẹrị ka, Taarụ ohinọyị! Ọ mẹ̀ hụtẹtẹ aha ọyịsụ anị dị e ro ịrẹyị ịsị ẹ vaa mẹ ụhwọọ, Ohomorihi anaā sịị ịsa ọnị ọza ẹ yị yẹ iruvo anịị zụ, ọ sị zụ ọ ịsị ẹ vaa mẹ nị.

Ireevi 18:21

Ọ kà à sị ẹ hụrẹ ozi ẹnịnị ọnyọọnyị ụvọ ka ana rị ọ ịra mẹ̀ ịsọvọ yị ori ana aā hị́ Imorẹkị. Ẹ̀ẹ vavọọ mẹ, vị ẹ́ yaa sị mẹ ụhịị nyị ịrẹha Ohomorihi nị; ọnị ọ vị Ẹnẹyịmavara nị.

Ịrịka 22:41

Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Iwe Ọhụhị Imosiisi ana aa hị́ Ọyịvatụrọda 12:31

A sị ụ hẹkẹ Ẹnẹyịmavara Ohomorihi awụ nịnị anka ẹ mẹẹ hẹkẹ ori ẹnịnị. Ẹ̀ẹ yaa hẹkẹ ori ẹnịnị, ịsa ọhịmị-ọhịmị anaā nyị Ẹnẹyịmavara ịhyẹrẹ ẹẹ mẹ nị. Ezi ọnọrụ ẹnịnị ọnịrị anẹẹ vị ẹnẹẹ rị ịraa yị ori ẹnịnị.