Ijeremaya 17:4 - IWE ỌNỊNỊ

⁴ Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 17:4 Iomraidhean Croise

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ohinọyị 25:21

Ohinọyị Ịbabịrọnị ộ mẹ̀ ka a wụ̀ wa Iribira ini ẹtẹ Ihamati. Avọọ a mẹmẹ za aza ọrịhị hụrẹ Ijuda na ngụ ẹkụra ọsa nị.

Inehemaya 9:28

Ama ịjị ẹ̀ẹ nyị ẹngwọọrọ, dị ẹ mẹ̀ ebira odivi, dị ụ rẹ navọ ka ọnịvị ẹnịnị ẹ nyị ẹbẹẹba ẹnịnị. Èe ro ịnẹ, dị ẹ họ̀ use ẹdọha hụụnị ụvọ awụ nị, dị ụ wụ ịpọda ẹnịnị ẹbẹẹba. Ụmẹ tụra ụmẹ ụ sị dọ wa ha agụvị ayamva awụ ana banyị nị.

Ayịsaya 14:3

Ịhị Ẹnẹyịmavara ọ̀ọ raà sị wụ hụụnị ụyọrị ọnịrị ẹngụkata ene vịdị tù wu ụ mé vị ọrịhị,

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ayịsaya 50:11

Avaba aza ana mẹ eto odivi ka ẹnị ẹ wụ̀ ọnọhụva ẹnịnị vị ọnị eto odivi ẹnịnị vaa rị ịrẹsụ. Ẹnẹyịmavara va mẹ ka odivi ọnị ọza o si yị ọnọhụva anị ọ vị aanị.

Ayịsaya 66:24

Ẹnịnị maa jịnẹ tụ ẹhẹ, e vee re oku aza ana mẹ̀ akamawụ hi ọnị. Ikukurumi ana aa rị wa ẹ yị vee su, dị ịra ana aa rị wa ẹ yị vee mi. Oyn re wa vị ana vaa nyị aza ịhyẹrẹ.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Ijeremaya 15:14

Ẹnẹyịmavara kà ọnị vaa mẹ ka aza anị ẹ̀ naa hẹkẹ ọnịvị ẹnịnị ẹkụra ẹnẹ ẹnịnị ẹ̀ yị yẹ, agụvị ka ọyịkụ anị vana sị mẹ̀ ẹ anka ịra avọọ vị ọ́ vaa za pooro nị.

Ijeremaya 16:13

Agụvị avọọ ọnị vaa dụ wa hụrị ẹkụra ẹnịnị nee hi ẹkụra ọsa ọnị ẹnịrị ohiku ẹnịnị ẹ̀ yị vịdị yẹ da. Ẹnịnị ẹ zụ kụkụ na hẹkẹ ori nịnị òo mee ze wa eyi. Ọnị ẹ́ yị vaa vayị ẹnịnị.

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 2:14

Ẹnẹyịmavara kà Anisirẹrị ẹ yị vị ọrịhị; ọza ẹ yị ma a ọrịhị. Sị ẹ vẹ dị ọnịvị anị nịnị va maanị ngụ ọ chire ẹtẹ?

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 22:28

Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 5:19

Ijeremaya ka, Ẹnẹyịmavara kà, ịjị ẹnịnị ee họ̀ use ka sị ẹ vẹ dị ọnị Ẹnẹyịmavara maanị mẹ, ọnị ọ̀ ka ẹ yị wa ka, anka ẹnịnị mẹ va ịrẹma anị naa hẹkẹ ori ọzọga-ọzọga ịnị ẹtẹ ẹnịnị avọọ, avọọ gẹdẹ-gẹdẹ ẹnịnị mẹ va naa hẹkẹ azọga ẹkụra ọsa nị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Arụwẹ 5:2

Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị. Anẹkụra ọsa nịnị ẹ kụkụ ra ịnị eehi ayị nị.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ezikẹẹrị 7:24

Agụvị avọọ, ọnị vaa mẹ ka anẹkụra ene divi hu kere-kere ẹ̀ vẹ ẹtẹ Isirẹrị, dị ẹ̀ vaa dọ wụ nịnị irehi awụ nịnị. Aza awụ nịnị ana kata hu kere-kere ẹ́ yị nyị otuturumaa jẹẹ, ịjị ọnị ọ̀ọ mẹ ka anẹkụra ọsa ẹ ngụ ịzị ụ yaa mẹ ahẹkẹ nịnị dị ẹ mẹẹ ọsọọsa nị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.