Ijeremaya 17:1 - IWE ỌNỊNỊ

¹ Ẹnẹyịmavara kà, ẹwụ nịnị Anijuda, enyusẹ asị mẹ̀ ịsa asị chẹrẹ ebira odivi awụ nịnị nị, enyusẹ ọkatẹngụ asị chẹrẹ ẹ tụ́ ịnị ayị awụ nịnị ọnịrị ịnị ọgọgọ ụta ịsọvọ awụ nịnị nị.

Ijeremaya 17:1 Iomraidhean Croise

Ụhịrẹyị 3:3

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Ụhịrẹyị 7:3

Waa tamayị ịrẹyị ọnọọ ụmẹ tụra ụmẹ. A sị ụ zẹẹ ka ayị o hi wu.

Ayịsaya 49:16

Ẹnẹyịmavara kà ẹ yị nyị ụmẹ ọnị ọnị sị hi ayị ẹnịnị. Ịrẹyị ẹnịnị vị ọnọnị chẹrẹ tụ ịnị ụvọta anị.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 2:22

Ẹnẹyịmavara Ohomorihi ka ẹnịnị ẹ̀ẹ daka sị ụkwọ ene zoza hu kere-kere dị ẹ sị hụ enyi nị, vị ọnị ọnị ee yii re ịdọtị ebira odivi ẹnịnị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ihoseya 8:11

Anisirẹrị nịnị vee hí ụta rụrụ ịzị ẹ vaa mẹ̀ ịsọvọ ịvị ẹnịnị. Ama ụta ẹnẹẹ vaa vị aha ịzị ẹ vaa ya mẹ̀ ịvị.

Ireevi 4:25

Ohirẹsụ irehi Ohomorihi vaa jị igegee ngụ ịsụpa ọnọọ dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ.

Ịzakaraya 7:12

Ẹnịnị ệ mẹ ayị ẹnịnị katẹngụ hu ịrẹta agụvị asị ẹ wụ́ ọda ọnịrị ịrẹyị ọnị Ẹnẹyịmavara Ochẹtẹẹngụ raà sị ụhwẹ tụ ịnị ayị ọnịsẹ ịpaapa nịnị ka ẹ ka yị wa. Agụvị avọọ Ẹnẹyịmavara Ochẹtẹẹngụ kụ́ ayị hi wa nị.

2 Anịkọrịntị 3:3

Ọzọza ộ yẹ ka, vị ụ sị mẹẹ nịnị anka iwe ọnị Ọza oni Ohomorihi nyị mẹ ohinọyị ka ọ̀ dọ yị ha chẹrẹ, dị ahịka ẹyị o pe e chẹrẹ ẹ nị. Ẹ yị vị ịsa a sị inyiiki chẹrẹ ọ vị. Ẹ yị rẹ vị ịnị ọparị a chẹrẹ ẹ tụ́. Ama Ụhwẹ Ohomorihi ana yára a sị chẹrẹ ẹ tụ́ ịnị ayị ọza nị.