Ijeremaya 16:5 - IWE ỌNỊNỊ

⁵ Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ijeremaya 16:5 Iomraidhean Croise

Ahẹ Ụgama 25:6

Ẹnẹyịmavara, tamayị ka hụrẹ ụmọrụmọ vẹ vị ọnị ụụ̄ vayị ọza ẹtẹẹtẹrẹ; di u reē sì ịrẹyị ọza nị.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 16:13

Agụvị avọọ ọnị vaa dụ wa hụrị ẹkụra ẹnịnị nee hi ẹkụra ọsa ọnị ẹnịrị ohiku ẹnịnị ẹ̀ yị vịdị yẹ da. Ẹnịnị ẹ zụ kụkụ na hẹkẹ ori nịnị òo mee ze wa eyi. Ọnị ẹ́ yị vaa vayị ẹnịnị.

Arụwẹ 3:17

Ọnị ẹ yị kụkụ nyị ẹngwọọrọ. Ọnị ẹ yị kụkụ yẹ ịsị aa hị́ ayohine vụrụ-vụrụ.

Ịzakaraya 8:10

Dị ụmẹ ọnọọ ve tù, ẹ yị nyị ọza ana nyị ẹkẹhị ọyị dọ ọza a vị uye ka ọ mẹ̀ ụkọrọ yị ọnị. Ẹ yị nyị ọza ana nyị ẹkẹhị ọyị dọ ọza a vị ịsụpa ụkọrọ. Ẹ́ yị nyị ọza ana nyị ẹngwọọrọ ọyị mẹ̀ ịsa ọnyọọnyị agụvị ọnịvị ọzọza. Ẹnẹyịmavara kà ọnị ộ mẹ̀ ka ọza ọnịrị ọnọhụva e va eyi ka ẹngụ nị.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Ẹtore 6:4

Dị umaata ovivi ọnya ọnị rẹ jịnẹ tụ́ ẹhẹ nị. Â sị ụkata yị ọza ana tụra a ka ọ̀ kụ́ ịrẹkụ hi ịnị ẹhẹ, dị aza ẹẹ wụ ẹngụ nị. Â sị ụhwọ ọnyaa yọ.