Ijeremaya 16:11 - IWE ỌNỊNỊ

¹¹ Ịjọnọọ dị Ijeremaya ọ̀ kà a yị wa ka, Ẹnẹyịmavara kà, ohiku ẹnịnị ệ va ịrẹma anị naa hẹkẹ ori nịnị, dị ẹyaa kụ ụ yị wa nị. Ẹnịnị ệ và ịrẹma anị saka-saka ẹ́ yị saasa ọda nị.

Ijeremaya 16:11 Iomraidhean Croise

1 Ohinọyị 9:9

Dị a ka agụvị ka ẹnịnị ẹ sị Ẹnẹyịmavara Ohomorihi ẹnịnị yi tịtẹ yọ nị. Ohomorihi ọnọọ ọ kụ́ ohiku ẹnịnị jịnẹ hụrẹ ẹtẹ Ijipiti nị. Ama aza ẹnẹẹ ẹ na raà sị ẹngụ vaka ori ọsa, dị eyee kú ẹtẹ kụ́ ọ, dị ẹ yaa hẹkẹ ẹ nị. Agụvị avọọ Ẹnẹyịmavara ana vị Ohomorihi maanị kụ́ avaba ịrẹyị odivi ẹnẹnị ve tù wa nị.”

2 Ịtọpa 7:22

Dị aza aa kà a, agụvị ka, ẹnịnị e reè yi Ẹnẹyịmavara Ohomorihi ẹnịnị tịtẹ yọ nị. Ohomorihi ọnọọ ọ kụ́ ohiku ẹnịnị jịnẹ hụrẹ ẹtẹ Ijipiti nị. Ama aza ẹnẹnị ẹ raà kú ẹngụ ẹnịnị vaka ori nịnị, dị ẹ yaa hẹkẹ wa nị; avọọ Ohomorihi kụ́ avaba ịrẹyị odivi ẹnẹnị ve tụ́ wa nị.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 22:9

Ẹnịnị vee tụ́ ohi ịjị ọnọọ ka, agụvị ka waa hụrị ụvọ ịrẹyị ẹwụrị ọnị, Ohomorihi awụ nịnị dudu dọ beri nịnị yọ nị. Wa naa hẹkẹ ori nịnị, dị waa kụụ yị wa nịnị nị.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Arụwẹ 5:7

Ohiku ayị nịnị ẹ mẹ̀ ebira odivi ama ẹnịnị ẹ yị kụkụ ya ịzọọ, dị ẹyị vaa rị ụya anị aanị nị.

Ezikẹẹrị 11:21

Ama ọnị vaa sị ụyaa rị aza eneē sì ka ẹnị hẹkẹ ori ịyẹyẹ-ịyẹyẹ anaa nyị ọnị ịhyẹrẹ. Ọnị Ẹnẹyịmavara Ananyị ụkata hu kere-kere ka ọnị vaa sị ụyaa rị wa agụvị ịsị ẹnịnị mẹ.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Ịmarakayị 3:7

Ẹnẹyịmavara Ochẹtẹẹngụ kà, hụrẹ ụmẹ ohiku ẹnịnị ệ va ịrẹma ka ọda anị nị. Ama ẹnịnị ẹ̀ẹ varẹma ka ọnị vẹ, ọnị ọ rẹ vaa varẹma ka wa na. Ama dị ệ kà a ẹnị mẹmẹ zụ varẹma ka a na?

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

Ọdọvịdị 2:11

Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị.