Ijeremaya 15:6 - IWE ỌNỊNỊ

⁶ Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 15:6 Iomraidhean Croise

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 28:13

Agụvị avọọ ịsa ọnyọọnya Ohomorihi vaa kịị kà a yị wa nị, dị aa vaa tụra ịrẹyị ọnyaa yị wa pooro. Dị ahịka ịsa ọnị ọ sị zụ̀ wa ẹẹrị ọ raa sịị zụ̀ wa ajịnị nị. Ẹnịnị vị ana vaa na dị ẹ na hyẹdụ, dị ẹ và angga ịrẹma-ịrẹma, dị ẹ tụ̀ ụnava. Avọọ ẹ mẹ̀ vaa ngụ ịnị ịrẹma ọnịvị ẹnịnị, dị ịrẹkụ kụ́ wa na nị.

Ayịsaya 31:3

Ama tamayị nịnị o, ka Anijipiti vị aza rị ẹyị ịrẹsụ, ẹ yị vị Ohomorihi ẹ vị. Umaata ẹnịnị vị uye kẹnẹ, ẹnịnị ẹ yị vị arịjẹnụ. Ịjị Ẹnẹyịmavara ọ̀ọ tana ụvọ za wa, aza ana nọ ịnị ọgụvọ ọnịrị aza ana a ka à na gụ ụvọ vi ene dudu vaa và angga dị ẹ hyẹdụ. Avaba ẹnịnị e vee vú ẹtẹ nị.

Ijeremaya 1:16

Ọ kà ọnị vaa mẹ̀ ọkarẹyị yị wa agụvị ebira odivi ẹnịnị ana mẹ ka ẹnịnị è yị ọnị tịtẹ. Ẹnịnị ẹ naa rị eturare ịra yị ori nịnị, dị ẹ yaa hẹkẹ ịsị ọnị ẹnị ụvọta sị ụvọ ẹnịnị mẹ nị.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijeremaya 7:16

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa. Asị ọnị hụvị ẹnịnị da ịpẹ yị ọnị agụvị ka ọnị ẹ yị vaa wụ̀.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ezikẹẹrị 14:9

Àa nyị ọnịsẹ ene e vene dị o tụ́ ohi ẹnẹ ẹ̀ yị vị ịzẹyịza nị, ọnị Ẹnẹyịmavara o vene e nị. Ọnị vee vu ọnịsẹ ọnọọ ẹtẹ hụụnị akakana aza anị Anisirẹrị nịnị.

Ezikẹẹrị 25:7

Avọọ, ọnị hụrẹ ẹwụ nịnị ụvọọ yị Anẹkụra ọsa, dị ẹ kụ́ wụ nịnị ẹnya. Ẹnẹyịmavara kà vị ọnị vee vu wu nịnị ẹtẹ saka-saka nị. Wẹ́ ma rẹ vana nyị ịzị waa hị́ ẹkụra awụ nịnị.

Ezikẹẹrị 35:3

Ọ kà, ọnị ọ̀ ka a yị Anedomi nịnị ka ọnị Ẹnẹyịmavara Ochẹtẹẹngụ ka. Ré, ẹwụ ataba Ịsẹyị, ọnịvị awụ ọnị vị̀ nị o. Ọnị vaa tana ụvọ za wụ, dị ọnị tụ wụ osusu, dị ọnị re vu wu ẹtẹ.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Ịzẹhwanaya 1:4

Ẹnẹyịmavara kà ọnị vaa tana ụvọ za aza ana ra hi Ijerusarẹmị ọnịrị avaba ẹtẹ Ijuda. Dị ọnị wu aza ana aa hẹkẹ ori ana aā hị́ Ịbaarị ọnịrị ọnụtụ ori ẹnẹẹ.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.