Ijeremaya 15:5 - IWE ỌNỊNỊ

⁵ Ẹnẹyịmavara kà, ẹwụ nịnị Anijerusarẹmị, ẹnẹ vana vaa vayị awụ nịnị; ẹnẹ vaa zị ẹngụ awụ nịnị da? Ẹnẹ vaa jẹẹ họ̀ use ka ụ mẹmẹ yà nịnị kẹ?

Ijeremaya 15:5 Iomraidhean Croise

Ijoovu 19:21

Vayị amị nịnị, ẹwụ nịnị ọta mị. Wẹ́ rẹ vayị amị nịnịị. Ohomorihi ọ maanị mẹ mị tịtẹ aanị nị.

Ahẹ Ụgama 69:20

Isiya ẹnịnị aa vaa wụ̀ mị, me yi re ọza gụ mị ụvọ. Mee sì ka à nyị ọza ana hyakụ ro o mị, dị ọ sị ayị amị nẹtẹ, ana ẹ yị nyị ọza oni mi re.

Ọyịkụra 18:7

Di Imosiisi kwẹẹtẹ ka ọnị aa naa gẹrị ọyẹ anị nị. Ọ mẹ̀ na sị gẹrị ọ, di Imosiisi tana tụra ẹtẹ kụ́ ọ, di e kú ẹngụ irenu nị. Ịjị ẹ sị ẹngụ kụ́, dị ẹ ngụ ịnị ajẹngụ nị.

Ayịsaya 51:19

Ịrẹyị odivi oze ẹẹva ọ raà ngụ tu wu. Ịrẹkụ ọnịrị ụngwẹ o reè vu aza awụ ẹtẹ. Ẹ yị nyị ọza ana zụ sị wụ ayị nẹtẹ.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 16:5

Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Arụwẹ 1:17

Anịzayọnị nịnị aa da ịpẹ ka à gụ ẹnị ụvọ, ama e yi re ọza gụ wa ụvọ. Ẹnẹyịmavara ọ raa hị́ ọnịvị ẹnịnị ana kara wa ịrẹkụ tụ wa. Dị ẹ kụkụ aa sị Anijerusarẹmị mẹ enyinyi nị.

Ịnahụmị 3:7

Dị avaba aza ene èe re e, di e yee mi ịrẹsụ kẹnẹ. Ẹ vaa kà a ka Ininivẹ ọ́ maanị jị eburu aanị nị! Ẹnẹ vaa va vayị yọ? Ẹnẹ vaa sị ayị anị nẹtẹ?

Ọdọvịdị 18:15

Agụvị avọọ ẹnịnị ha na kụ́ ozwọọmụha Anireevi ana ra ịnị irehi Imika. Dị ẹ họ̀ ọ use ka ẹtẹ mẹ ya nị.

1 Ịsamụwẹrị 10:4

Dị Ịsamụwẹrị rẹ ka aza ẹnẹẹ vaa kụ́ Ịsọọrụ, dị ẹ sị ịbụrẹẹdị ẹẹva yọ. Ọ kà ẹ̀ẹ vavọọ sị yị Ịsọọrụ, Ịsọọrụ, dị ọ̀ dọ ọ.

1 Ịsamụwẹrị 17:22

Di Idevidi navọ ẹnya anị pe ọza ana sị eyi pe ẹnya, di o zwe ne tù ẹnẹbẹnị anị ene hi ini isoja ene hi ịzọọ, dị ọ na kụ́ wa nị.

1 Ịsamụwẹrị 25:5

Di Idevidi hí ezida anị ẹẹwụ dị ọ tụ́ wa nọ ịda Ịnabarị nị. Ọ kà è ne tù ọ Ịkamẹrị dị ẹ̀ kụ́ ọ yị ọnị.