Ijeremaya 15:3 - IWE ỌNỊNỊ

³ Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha.

Ijeremaya 15:3 Iomraidhean Croise

Ahẹ Ụgama 68:23

Ọ kà ọnị ọ̀ọ raà kụ́ wa vẹ, dị ẹwụ nịnị Anisirẹrị jị wa hi ẹtẹ dị waa kụ́ ahụụ hi ọ naa parahu, di irezi awụ nịnị ẹnị rị oku ẹnịnị.

Ayịsaya 18:6

Oku isoja Anikusi vi ana a vaa navọọ hi ẹtẹ yi inomi ọnịrị uye ịnị avị. Ẹnị inomi nịnị vaa rị pooro ịnị ọhahị, di uye ịnị avị ẹnị rẹ rị ọ pooro ịnị ịrẹsụ nị.

Ijeremaya 12:9

Ẹnẹyịmavara kà, aza anị vị ana kụkụ sị mẹẹ anka ezi ụụhwẹ ọnị ukokoro ee bè oze eyi ụvọnị-ụvọnị avọọ. Hị́ avaba uye ịnị avị vẹ ka ẹ̀ va rị eche nịnị.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 7:33

Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

Arụwẹ 3:11

Ohomorihi ộ dụ ọnị hụrị oze, dị ọ na ọnị va hị́ ẹtẹ pẹrẹ-pẹrẹ nị. Ọ sị ọnị tụ avọ osusu.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 33:27

Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị.

Ireevi 26:16

Ụya ọnị vaa sị rị wa yị: Ọnị vaa kụ ẹngụkata odivii tù wa; ụkụ ẹnẹ ẹ̀ yị ma wụ́ ahọ̀nọ ọnịrị ọvanggoro ene vee gù wa eyi vaa za wa, dị ee du wa ẹhẹẹ ha. Ọ kà ịrụkụ ọọhẹ ẹ́ vaa kụ nị, agụvị ka, ọnịvị ẹnịnị ẹ vaa rị ịsa ịnị aarẹ ẹnịnị nị.

Ireevi 26:22

Ọ kà ọnị vaa tụ uye edivi vaa ngụ ịnị akakana ẹnịnị, dị ẹ wụ ezi ẹnịnị va ha. E vee vú ịsụpa ẹnịnị ẹtẹ, dị ahịka aza che ẹ kụkụ vọ nị. Ọsọnị vaa mẹ ka oze ẹnịnị ẹ̀ tụ osusu.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Iwe Ọhụhị Imosiisi ana aa hị́ Ọyịvatụrọda 28:26

Inomi nịnị ẹnịrị uye ịnị avị ẹ vaa rị oku awụ nịnị nị. Ẹ yị vaa nyị ọza ana vaa dụ wa kwooze.

Iwe Ọhụhị Imosiisi ana aa hị́ Ọyịvatụrọda 32:24

Ụngwẹ vị ana vaa wụ̀ wa ha, dị ụkụ edivi-edivi za wa. Uye ịnị avị vị ana vaa va eyi ịrazị ka wa, Dị ẹwụ ẹnẹ ẹchịpa divi ẹ yaa mẹ wa.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.