Ijeremaya 15:1 - IWE ỌNỊNỊ

¹ Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 15:1 Iomraidhean Croise

Oyinyima 19:27

Ẹnẹnẹ viri-viri eyinẹhẹ anị, Abụrahamị ộ nọ ịzị ọ vịdị yà pè Ẹnẹyịmavara kà ịrẹyị.

2 Ohinọyị 17:20

Ẹnẹyịmavara ô yi avaba Anisirẹrị nịnị, ộ sụ ụya rị wa, dị ọ hụrẹ wa ụvọ yị ọnịvị ẹnịnị ana ahịka ka ê divi nị. Avọọ ọ mẹ̀ mẹ wa pooro ne tu ịjị ọ́ raà dụ wa kwooze nị.

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ụhịrẹyị 14:35

Ayị ohinọyị vị ene hine tu ọza anaa mẹ ẹtẹẹrẹ, ama vị ọọ sị ụya rị ọza anaa mẹ̀ẹ ụhị nyị ọ nị.

Ijeremaya 10:18

Ka, Ẹnẹyịmavara kà: Re, ọyaanị, avaba ẹwụ nịnị ana ra ịnị ẹtẹ ọnọnị vị ọnị vaa tụ̀ okoko. Ọnị vaa kụ ẹngụkata odivi tù wụ nịnị dị wa yẹ ọyịkụ anị nịnị.

Ijeremaya 11:14

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa; asị ọnị dá ịpẹ yị ọnị agụvị ẹnịnị, agụvị ka ọnị ẹ yị vaa wụ̀, ẹnịnị ẹẹ hị́ ọnị ịnị ụmẹ akanya ẹnịnị.

Ijeremaya 14:11

Ijeremaya ka Ẹnẹyịmavara ộ ka ẹ yị ọnị ka asị ọnị mẹ̀ aduwa ka ọnị ọ̀ mẹ ọgụvọ yị aza ẹnẹnị.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 15:19

Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ijeremaya 16:13

Agụvị avọọ ọnị vaa dụ wa hụrị ẹkụra ẹnịnị nee hi ẹkụra ọsa ọnị ẹnịrị ohiku ẹnịnị ẹ̀ yị vịdị yẹ da. Ẹnịnị ẹ zụ kụkụ na hẹkẹ ori nịnị òo mee ze wa eyi. Ọnị ẹ́ yị vaa vayị ẹnịnị.

Ijeremaya 16:5

Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijeremaya 22:28

Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 23:39

Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 35:19

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị aa kà a tịtẹ ka ọza é yi vee si ezi Ijonadabị ka ẹ̀ mẹ̀ ụkọrọ anị dị à si e re.

Ijeremaya 52:3

Dị ayị kụ Ẹnẹyịmavara tu Anijerusarẹmị nịnị ọnịrị Anijuda nịnị, dị ọ hụ́ wa hụrị ẹngụ anị eyi nị. Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị.

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

Ihoseya 9:15

Ohomorihi kà avaba ebira odivi ẹnịnị vi ene nyima hụrị Igirigarẹrị ịzị ọnị ya nyị ịhyẹrẹ ẹnịnị agụvị ịsa ọhịmị ẹnịnị. Booro aanị ọnị vaa dụ wa jịnẹ hụụnị ịnị irehi anị. Ọnị ẹ yị kụkụ vaa sì ịrẹyị ẹnịnị agụvị ka ọdọvịdị ẹnịnị e reè vene ọnị.

Ịzakaraya 3:3

Ịnị ụmẹ ọnọọ Ijosuwa vị ene chire awuru ana dọtị jẹẹ ọvịdị anggẹẹrị ọnọnị.

Iwe Ọhụhị Imosiisi ana aa hị́ Ọyịvatụrọda 9:26

dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Ọdọvịdị 5:9

Maa ga wụ, Ẹnẹyịmavara, dị ayị amị o hine tu ẹnị ọdọvịdị ọnịrị isoja Isirẹrị nịnị ana dọ ka ẹnị hụrị ẹngụ ụvọ ịnị akakana aza ana vọ.

1 Ịsamụwẹrị 12:19

Dị avaba ẹnịnị kà yị Ịsamụwẹrị ka aarịhịnị ọ̀ dá ịpẹ yị Ẹnẹyịmavara ana vị Ohomorihi anị agụvị asị ẹnị sú. Ệ kà ẹnị ẹ sị yẹ ka ohinọyị ọnị ẹnị ka ẹnị ee sì avọọ vị ọnị ẹnị sị dà ẹnya tụ́ ịnị ịvị ọnị ẹnị vịdị mẹ.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 7:9

Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.