Ijeremaya 14:3 - IWE ỌNỊNỊ

³ Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 14:3 Iomraidhean Croise

2 Ịsamụwẹrị 15:30

Di Idevidi kà tụ́ ọvịdị dị aa hịrẹ ịrẹsụ ataba orivii na nị. Ọ màa na, di ee sụ́ ùnè nị. Ịrẹsụ anị vị ọnị ọ sị ịsa kụ́, ọ yị sị adava tụ́ ahụ. Avaba aza ana saasa a aa na vị ana sị ịsa kú ịrẹsụ ẹnịnị, dị ẹ yaa jị oreree na.

2 Ịsamụwẹrị 19:4

Dị ohinọyị sị ịsa kú eyi anị dị aa tụ́ orere booro-booro, dị ọ ka, “Abịsarọmị ozi emi oo! Abịsarọmị ozi emi oo! Abịsarọmị ozi emi oo!”

1 Ohinọyị 17:7

Ẹkụhị ọnya orosi eni Erija yàā hú enyi aanị, ọ sị wụ agụvị ka orihi ọ yị zụ̀ ịnị ẹtẹ ọnọọ.

2 Ohinọyị 18:31

Àsị u wụ́ ịrẹyị Ihezekaya nịnị; ohinọyị Ásiriya ka wa jịnẹ tụ ẹhẹ vẹ, dị wa hụrẹ ẹngụ awụ nịnị ụvọ yị ọnị. Ọ vaa navọ wụ nịnị ka waa rị ẹtụtụ ọchị ịvayịnị ọnịrị ihwigi awụ nịnị; di u wee hú enyi ini iruku awụ nịnị.

Ẹsịta 6:12

Ịjị ẹ sị mẹ ta, dị Imodekaya và na yaatẹ oze ovwoovu ịdị ohinọyị nị. Dị Ịhamanị ọnị zwe na ngụ eehi, dị ọ na và ụvọ kú eyi di aa jị òrèrè nị.

Ijoovu 6:20

Ama ee ve tu ka enyi anị ọ sị wụ, dị ọ vara ayodu yị wa.

Ahẹ Ụgama 109:29

Ụhị ọ vaa nyị ọnịvị amị nị Ụhị vi ene e ve sii kú ẹngụ anka ịta avọọ.

Ahẹ Ụgama 40:14

sì ka ẹnị ẹ dọ mị ụhwẹ Aza ene ee sì ka ẹnị ẹ̀ wụ̀ mị, navọ ụhị ọ̀ nyị wa dị ẹ sị varẹma.

Ijeremaya 14:4

Ka orihi ẹ yị zụ̀, ẹtẹ ọ sị wụ, ayị ọkụrẹkụ nịnị e si du; ẹnịnị kụkụ aa sị eyi tẹ.

Ijeremaya 15:18

Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị?

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:37

Ụhị-ụhị ụ vaa sị hụrẹ Ijipiti nịnị. Ẹnẹyịmavara kà aza ọnị ụ sị ayị tụra nịnị avọọ vị ọnị ọnị yi tịtẹ. Ẹ yị nyị ọgụ ịsị ụ vaa rị hụụnị ụvọ ẹnịnị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Arụwẹ 4:4

Ẹẹ navọ ezinụvọ ẹnịnị ka ụngwẹ ọnịrị onyi ọ̀ọ wụ̀ wa ha; ezi ẹnịnị aa pa ịsọyịrị zị ama ẹ yị nyị ọza ana sị yị wa.

Ihoseya 2:3

Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ijowẹrị 1:20

Uye ịnị avị nịnị vị ee na owu hị́ Ẹnẹyịmavara ẹngụ agụvị ka avaba orosi ẹ sị wụ́ za eteesu. Ọrịra o reè hi ụnọmị hụyẹ-hụyẹ hụrẹ ẹtẹ.

Emọsị 4:7

Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Emọsị 4:8

enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na.

Ịzakaraya 14:17

Àa nyị aza ịrẹsụ ẹtẹ ẹnẹ ẹ yị na hẹkẹ Ohinọyị, Ẹnẹyịmavara Ochẹtẹẹngụ, orihi ẹ yị vaa zụ́ yị wa.