Ijeremaya 14:2 - IWE ỌNỊNỊ

² Ọ kà, Anijuda nịnị ẹ sị ẹngụ và hí; anẹkụra ẹnịnị eè su; ẹnịnị hi ịnị eteesu ee sụ ùnè, Anijerusarẹmị nịnị aa jị òrèrè boro-boro ka a vaa gụ ẹnị ụvọ.

Ijeremaya 14:2 Iomraidhean Croise

Ijoovu 34:28

Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.

Ahẹ Ụgama 144:14

Navọ imaaru ayị ẹ̀ẹ ma ezii hi ẹtẹ kẹnẹ, di asị a nyị ana wọrọ ịrẹẹ. Asị a rẹ nyị ọnị ozi anị sụ́. Navọ asị a nyị ọza ẹnị ẹngụ anị kụkụ kata ịnị ẹkụra ayị.

Ọyịkụra 2:24

Ohomorihi ộ wụ́ ẹ mẹ̀ vavọọ ee nowu. Di Ohomorihi tama ayị ịrẹyị ọnị ọnịrị Abụrahamị, Ayiziiki ọnịrị Ijekọvụ vịdị kà tịtẹ yị ẹngụ nị.

Ayịsaya 15:5

Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị.

Ayịsaya 24:11

Aza ene hi ịnị ẹkụra ee nowu ka ẹ yị kụkụ nyị eche, kụkụ nyị ọza ana aa jẹ ịrajẹ ịnị ẹhẹ. Avaba aza vị ana kụkụ aa jị òrèrè.

Ayịsaya 24:4

Ịrẹyị ô tù ẹtẹ ẹngụ, ẹngụ anị ọ sị vahi. Ẹbẹẹba ọnị nyẹmba yà ịnị ẹngụkata, ộ yẹ ka aanị ọ́ ta.

Ayịsaya 24:7

Ẹtụtụ ọchị ịvayịnị ana a sịị̄ mẹ eche e kụ́ sụ và ha. Ọza o yi kuku re eche. Avaba aza ana vịdị aa mẹrị zị vi ene kuku ee sụ ùnè.

Ayịsaya 3:26

Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ijeremaya 12:11

Ẹnịnị ẹ sị ọ vara ụnọmị tịtẹ ọvịdị anị. Avaba ẹkụra ọyịvụrụ ọ sị vara ụnọmị. Ẹ yị jị ọza ọnyọọnyị areyi.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Ijeremaya 18:22

Ọnị ka asị Ẹnẹyịmavara kà wa ọnọ, dị ọ̀ tụ enezigi nịnị va kụ wa ẹnya irehi. Ọ̀ navọ ọ̀ mẹ ayị hụrẹ wa ịnẹ, dị ẹ̀ jị òrèrè. Ẹnịnị ẹ sị ụsị chị̀ ka ọnị ò ve horo ngụ ọ. Ẹ́ sị ịrẹpa và ee zi ọnị.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ijeremaya 46:12

Anẹkụra ana vọ ẹ raa wụ ka, á raa mẹ̀ ụhị nyị wụ nịnị. Avaba aza ệ wụ́ ụ mee nowu nịnị. Isoja awụ nịnị ọnya ộ vangga jịnẹ ọsa, dị ẹnị ẹyịva dudu sẹ ẹdụ va hi ẹtẹ nị.

Ijeremaya 8:21

Dị Ijeremaya ka, ayị anị ọ sị sẹ rugurugu agụvị ka aza anị ẹ kụ sẹ rugurugu. Ọnị ộ sụ́ ùnè; ọnị ẹ yị kụkụ yẹ ịsị a vọrọ ka ọnị ọ̀ mẹ vụrụ-vụrụ.

Arụwẹ 2:8

Ananyị yị ọ vịdị sị ọ mẹ̀ ka ẹ yị zụ nyị ka ọza e yi vee wu ọvọ. Ộ vịdị sị ọ tọ ịrẹwa ka e vú ẹtẹ saka-saka. A sị ohurohuro anị ọnịrị ugene anị wu va hi ẹtẹ booro aanị.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Arụwẹ 5:10

Ẹngụ ayị ộ ta kayịra anka arasị avọọ, ụngwẹ maa vaa wụ̀ yị.

Ihoseya 4:3

Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ.

Ijowẹrị 1:10

Aarẹ vị osusu; dị ẹtẹ aa jị òrèrè agụvị ka e reè du akụ ẹnịnị ha, ọchị ịvayịnị ana aā sị mẹ̀ eche ẹ kụ̀ wụ̀, dị ọchị orivi ana aa sị mẹ̀ angwẹ sị wara nị.

Ijowẹrị 1:11

Va ẹngụ hi ẹwụ nịnị ọgẹrẹva; Waa jị òrèrè ẹwụ nịnị eneē tenyi ụbazị ịvayịnị, agụvị ka ịhwịtị ọnịrị ibaari ne beri avaba ịsa ọyịna ana sị wara.

Ijowẹrị 1:14

Hị́ ịragụ gụ Mẹ̀ ẹ ọda ka a za awẹ. Kụ́ azọkụ ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị, dị ee sụ́ ùnè hi Ẹnẹyịmavara ẹngụ.

Ijowẹrị 2:6

Dị ẹgahị ngụ ọzọza ẹngụ e mee re wa, dị ẹngụ ẹnịnị hi azọnọ nị.

Ịhagayị 1:11

Ohomorihi ộ mẹ̀ ọda ka ọyọjị ọ̀ wara avaba ịsa ene hi inozi ọnịrị ịrẹsụ ataba, dị ộ zàmà ịsa ịnị aarẹ ọnịrị ụbazị ịvayịnị anaā sịị mẹ̀ eche ọwọọwa ne beri ọchị orivi anaā sịị mẹ angwẹ. Dị ụngwẹ kụ avaba aza ọnịrị uye, di ô du avaba ịsa ẹnị ẹ rị ụya tụra ịrẹsụ ha.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

1 Ịsamụwẹrị 5:12

Aza ene è yi sú vị ọnị ịtahụ tụra hi iruvo, dị ẹnịnị ee nowu ka Ohomorihi ọ̀ dọ ẹnị tụ́ nị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.