Ijeremaya 13:16 - IWE ỌNỊNỊ

¹⁶ Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 13:16 Iomraidhean Croise

Ijoovu 3:5

Etohozi ruma-ruma ọnịrị eguhi o vu ọ hi ẹngụ. Ịhị ọnọọ o chire ọza angwa.

Ahẹ Ụgama 107:10

Aza ẹnyị vi ene hi ịnị ẹngwa, dị ụya aa rị wa, dị ẹhẹ ẹnịnị kụkụ vị ịrahụ chakuu. A raà tụ́ wa ẹba.

Ahẹ Ụgama 107:14

Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.

Ahẹ Ụgama 29:2

Mị ka waā kà ịrẹkụkụ ụbanyị ọnị ọ nyị nịnị, dị waā tanaa tụra ẹtẹẹ kụ́ ọ, Wa vavọọ kụ́ ọ ka ọnị ọ nyị ụbanyị obooro nị.

Ahẹ Ụgama 44:19

Ama wâ za yị wâ pa ịva yị, dị ụ vara ẹkụra ayị ịzị uye ediviī hi nị dị ụ kụkụ navọ yị hi ịnị ịrahụ nị.

Ọyịkụra 10:21

Dị Ẹnẹyịmavara rẹ kà a yị Imosiisi dị ọ ka ọ̀ tana ụvọ hi ẹbẹẹba dị ịrahụ ọ̀ chaka kú ẹtẹ Ijipiti. Ọ kà ịrahụ ruma-ruma ọ vaa vị nị. Aza ẹnyị vị enee nyeeyi hị́ ọ “oku ovivi” Ama oku ịkẹ-ịkẹ ọ vị ịrẹha anị obooro ịnị ẹkụra Ihiburu nị.

Ụhịrẹyị 4:19

Ẹhẹ aza edivi vị ana sị mẹ anka ịrahụ ruma-ruma avọọ. Ẹẹ̄ vangga jịnẹ ịsa ọnị ẹnịnị e yi re nị.

Ịrẹyị Ọzwọzịsa 11:8

Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ.

Ayịsaya 5:30

Ịhị ẹkụhị ọnọọ òo si tù, avọọ e mè vee nowu ịnị avaba Isirẹrị anka òkū ana sụrẹyị avọọ nị. Ọza ọ̀ọ kana eyi ịnị ẹtẹ ọnọọ, ịsị o vee re kẹnẹ ọ vị etohozi ọnịrị ẹngụkata nị. Eguhi vị ana vaa mẹ ka avaba ẹtẹ ò hozi.

Ayịsaya 59:10

Ẹ ka ẹnị aa sị ụvọ sì ẹtẹ anka ogweyi avọọ nị. Ọọdụ vị ọnị ẹnị aa hyẹdụ anka ịrahụ avọọ. Eni e yi dahi hụụnị ọza ene su.

Ayịsaya 59:9

Agụvị avọọ Ohomorihi ẹ yị dọ wa ha hụrẹ ụvọ aza ana mẹ ẹvaya yị wa nị. Èe zi eyi ẹtohweyi, dị ahịka etohozi e re nị. Ịnị etohozi ruma-ruma ẹ yaa zị ụsẹ nị.

Ayịsaya 60:2

Avaba ẹkụra ana vọ vị ọnị etohozi kú ruma-ruma, Etohweyi Ẹnẹyịmavara vaa zẹtẹ kụ wụ nịnị. Ụbanyị anị vaa ya pe wu nini.

Ayịsaya 8:22

Ẹnịnị ẹ̀ẹ kana eyi, ẹngụkata ne beri ịrahụ ọnịrị angwahi kẹnẹ e vee re nị. Avọọ a mè vee ne wa ngụ ịnị ịrahụ ruma-ruma nị.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 23:12

Ọ kà agụvị avọọ, oze ẹnẹ ẹyaa vaa tụra vị ana vaa swa wa ọsịrị. A vaa dụ wa ngụ ịrahụ, dị ẹ sẹ ẹdụ va hi ẹtẹ. Ẹnẹyịmavara kà ọnị vaa kụ ẹngụkata odivi tù wa, ịjị ụmẹ ẹnẹ ẹ vaa sị rị ụya oo tu.

Ijeremaya 4:23

Ijeremaya ka ọnị ô ré ẹtẹ, ẹtẹ vana tịtẹ juguu kẹnẹ, dị ọ rẹ vị osusu nị. Ọnị ô ré ẹbẹẹba, ẹ yị kụkụ nyị ẹtohweyi.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 6:21

Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Ijeremaya 8:15

Ẹ ka, ẹnị ê zi ẹngwọọrọ ọnịrị ụmẹ ẹngwohyahị eyi, ama ẹnị e yị ve re ọyịza ọnyọọnyị. Re, ayịhụrịnẹ kẹnẹ o hi ẹtẹ nị.

Arụwẹ 4:17

Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.

Ezikẹẹrị 21:15

Ayị aza anị ẹ sị sụ enyi. Ẹ kụkụ aa vangga ọnị aa sị ụhwọ anaa za nyoonyo anka ịnyanya avọọ chire wa angwa. A sị ọ tenyi ka à sị wụ̀ aza.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 36:15

Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

Emọsị 5:18

Oogwoo ẹwụ nịnị ana va ụva ka ịhị Ẹnẹyịmavara aa va si zụ̀ ka ọnị ọhụna avaba Anẹhẹ nị. Sị u sị o hí ka ẹkụhị Ẹnẹyịmavara ọnọọ ọ vị nịnị? Wáá yẹ ka ẹkụhị ọnọọ vị ẹkụhị ayodu. A yi vi ẹkụhị ịrajẹ ọ vị.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Ịjọọnụ 12:35

Dị Ijeesu tụ́ ohi, dị ọ ka, “Etohweyi vaa yà ịnị akakana awụ nịnị yị ụmẹ chee. Waa zị ụsẹ nịnị ịnị ụmẹ ene ẹtohweyi sị yà ịdị awụ nịnị, ka ẹ̀ yị vị avọọ, ịrahụ va za wụ nịnị. Wâ yẹ ka ọza ana aa zị ụsẹ ịnị ịrahụ, ọ yị yẹ ịzị aa nọ.

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

1 Ịsamụwẹrị 6:5

Ọga ori ẹnẹẹ rẹ ka Anihwirisiti nị ẹ vavọọ tụ́ igooru anka ịtahụ ana tụra wa, dị ẹ̀ rẹ vavọọ sị igooru tụ́ usu ene du aarẹ ẹnịnị ha, dị ẹ̀ sị na sị ụbanyị yị Ohomorihi Anisirẹrị. Ọga ori ẹnịnị ẹnẹẹ ka Anihwirisiti nị ẹ̀ vavọọ mẹ, ịsavọọ dị Ohomorihi ọ̀ za ụvọọ jẹẹ dị asị ọ kụkụ rẹ pa ịva yị ẹnịrị ori ẹnịnị ne beri ẹtẹ ẹnịnị.