Ijeremaya 13:11 - IWE ỌNỊNỊ

¹¹ Ẹnẹyịmavara kà, Anisirẹrị ọnịrị Anijuda nịnị vị ọnị ọnị sì ka ẹ sị ụvọ za ọnị bịrị-bịrị anka a mẹẹ̄ sị ụbaja sụ́ ọtẹ avọọ. Ọ kà, agụvị ka vi ọnị sì ka ẹnịnị ẹ̀ vị aza anị, dị ẹnịnị ẹẹ sị ụga ọnịrị ụbanyị yị ịrẹha anị nị. Ama ẹnịnị ẹ yị ma saasa ịrẹyị anị.

Ijeremaya 13:11 Iomraidhean Croise

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 147:20

Nyị anẹkụra ọsa ọnị ọ maanị mẹ yị; ẹnịnị ẹ yị yẹ ọda ọnị ọ mẹ Waa kụ́ Ẹnẹyịmavara avọ nịnị.

Ahẹ Ụgama 81:11

Di Ohomorihi rẹ ka Ama aza amị ẹ yị zẹẹ ka ẹnị ẹ̀ wụ́ ịrẹyị amị, ẹnịnị ẹ yị zẹẹ ka ẹnị ẹ̀ dọ mị tụ́ ịzọọ.

Ayịsaya 43:21

Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ijeremaya 13:1

Ijeremaya ka Ẹnẹyịmavara ộ kà a yị ọnị ka, ọnị ọ̀ na hị́ ụbaja anaā sịị̄ sụ́ ọtẹ dị ọnị ọ̀ sị sụ́ ọtẹ anị: Ama asị ọnị nyịna a.

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 13:12

Ọ kà Ijeremaya ọ̀ kà a yị wa ka, Ẹnẹyịmavara, Ohomorihi Anisirẹrị nịnị ka, avaba okoko eche ẹnịnị vaa vị ohihi yị eche. Ẹnịnị ve tụ́ ohi ka, aanị ka vị ẹnị ẹ yị vịdị yẹ ka avaba okoko eche ẹnịnị vee hi yị eche nị?

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 32:20

Wâ mẹ apọtẹrẹwa ọnịrị ịvọpa ọrụrụ-ọrụrụ ẹtẹ Ijipiti, yị va ngụ ajịnị dị waa yịị mẹ ẹngụ ụkọrọ ẹnẹẹ ịnị ẹtẹ Isirẹrị ọnịrị aha ana vọ nị. Wa sị ịrẹha mẹ yị ẹngụ awụ avaba aha ịnị ajịnị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Iruuku 10:11

‘Edudu ẹkụra awụ nịnị ene hira kú yị ahụ, yâ bànyị ọọ hi ẹtẹ wụ nịnị. Ama dị ụ wa yẹ nịnị ka Ohomorihi aa vaa mẹ ịjọva nịnị o!’

Iwe Ọhụhị Imosiisi ana aa hị́ Ọyịvatụrọda 26:18

Ajịnị Ẹnẹyịmavara ọ raà dọ wụ nịnị ka ụ vị aza anị anka ọ me wo oto yị wụ nịnị. Ộ mẹ ọda ka wa saasa avaba ịrẹyị anị.

Iwe Ọhụhị Imosiisi ana aa hị́ Ọyịvatụrọda 26:19

Ọ vaa mẹ̀ wụ nịnị banyị hụụnị Anẹkụra ọnyọọnyị ọnị ộ tụ́. Ụ vaa sị ụga ọnịrị ụbanyị yị ịrẹha anị. Aza anị ụ vaa vị anka ô me wo oto nị.

Iwe Ọhụhị Imosiisi ana aa hị́ Ọyịvatụrọda 4:7

Nyị anẹkụra ọsa ana nyị ori ana gụrị wa anka Ẹnẹyịmavara Ohomorihi mẹ gụrị ẹnị. Ụmẹ tụra ụmẹ ọnị ẹnị ẹ̀ hị́ ọ kẹnẹ ọọ̄ wụ ẹnị nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.