Ijeremaya 13:10 - IWE ỌNỊNỊ

¹⁰ Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 13:10 Iomraidhean Croise

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ayịsaya 3:24

Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 11:18

Ijeremaya ka Ẹnẹyịmavara ộ sị zụ ọnị ka ọnị ọ̀ yẹ ka ọnịvị anị nịnị aa geyi anị.

Ijeremaya 13:7

Ịzẹyịza dị ọnị varẹma na, dị ọnị re ịzị ọnị sị ọ tẹ tụ nị. Ọnị ô ne tu ka ụbaja ọnọọ o si du ha, ẹ yị nyị ịsị ọ kụkụ rụra mẹ.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 23:17

Ẹnẹyịmavara kà aza anaa sị eyi wụ ọnị vị ọnị ọnịsẹ ẹnẹnị aa kà a yị ka, asị ẹ hụrị ayịnẹ, ka Ẹnẹyịmavara kà ẹnịnị vaa nyị ẹngwọọrọ. Dị ẹyaa kà a yị avaba aza anaa mẹ ayị ọkatẹngụ ka ẹ yị nyị ịsị ẹ vaa kanyị wa nị.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 44:16

Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ijeremaya 44:5

Ama wẹ yị wụ nịnị. Wé yị dọ ka wa hụụnị ịsị odivi ọnị waa mẹ, dị waa mẹ̀ ịsọvọ hi ori nịnị.

Ijeremaya 5:23

Ama ẹwụ nịnị vị anayọkatẹngụ, vị ụụ kụ̀ụ hịrẹ ọza nịnị nị. Wa sị ha tụ awụ nịnị, wẹ yị kụkụ saasa ọnị nịnị.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 9:13

Dị Ẹnẹyịmavara tụ́ ohi ka, ịsị ẹ kụ avaba ọsọnị vẹ ọ vị ka, aza anị ệ hụrẹ ịrẹyị anị ụvọ tịtẹ nị. Ẹnịnị ẹ yị wụ́ chire ọnị. Ẹnịnị ẹ yị saasa ịrẹyị anị.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?