Ijeremaya 12:8 - IWE ỌNỊNỊ

⁸ Ọ kà, aza anị vị ana kụkụ sị mẹẹ anka idu ana yà ịnị iruku avọọ yị ọnị. Ẹnịnị ee nowu ka ẹnị ee si ọnị, agụvị avọọ ọnị ọ yị kụkụ sì ịrẹyị ẹnịnị.

Ijeremaya 12:8 Iomraidhean Croise

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 51:38

Avaba Anibabironi nịnị vee nowu anka idu nịnị avọọ, dị ẹyaa kụ́ ịrẹkaa hi ịnị ọbẹ anka ezi idu nịnị avọọ.

Ezikẹẹrị 23:18

Ịrẹkọyịsẹ anị vị anaa sẹ̀ chapaa, dị ọzọza re ahwaahụ anị. Ịrẹyị anị ô du ọnị eyi anka ịrẹyị ọyịnyara anị me du ọnị eyi.

Ihoseya 9:15

Ohomorihi kà avaba ebira odivi ẹnịnị vi ene nyima hụrị Igirigarẹrị ịzị ọnị ya nyị ịhyẹrẹ ẹnịnị agụvị ịsa ọhịmị ẹnịnị. Booro aanị ọnị vaa dụ wa jịnẹ hụụnị ịnị irehi anị. Ọnị ẹ yị kụkụ vaa sì ịrẹyị ẹnịnị agụvị ka ọdọvịdị ẹnịnị e reè vene ọnị.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Imika 2:8

Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire.

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.