Ijeremaya 12:7 - IWE ỌNỊNỊ

⁷ Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Ijeremaya 12:7 Iomraidhean Croise

2 Ohinọyị 21:14

Ẹnẹyịmavara kà ọnị vaa hụrẹ wa ụvọ, dị ọnị sị wa chire ọnịvị ẹnịnị ụvọ. Dị ẹ rị wa, dị ẹ dọ wa ẹtẹ.

Ahẹ Ụgama 106:40

Ọnọọ ộ mẹ̀ ka Ẹnẹyịmavara ọ̀ kụ́ ayị hi aza anị, dị ọ kụkụ nyị ịhyẹrẹ ẹnịnị nị.

Ahẹ Ụgama 78:62

Ayị ộ kụ́ ọ tù aza anị pooro, dị ọ navọ ka ịrẹkụ ọ̀ rị wa nị.

Ayịsaya 2:6

Ohomorihi, wa raà hụrẹ aza awụ ụvọ, aza awụ ana vị irima ezi Ijekọvụ. Avaba ẹnịnị vị ana hụrẹ eyi ọnị ọyị zịị hụrẹẹ vẹ. Irima ezi Ijekọvụ vị ana kụkụ aa ha ẹva anka Anihwirisiti nịnị avọọ, dị ẹnịrị aza ẹnẹ ẹ yị yẹ Ohomorihi aa kụ́ ụvọọ gẹ ẹngụụ zị.

Ijeremaya 11:15

Ẹnẹyịmavara kà, sị aza ọnị ọnị sì ịrẹyị anị aa mẹ ini irehi anị, ịrẹma ẹnị ẹ na raa mẹ ịsị edivi-edivi ẹnịnị? Vị eku ẹnị ẹ yaa hị́ ọnịrị ịsụpa ẹnị ẹ yaa sị mẹ̀ ịsọvọ waa zụ za wa ka asị ẹ rị ụya nị? Ẹnẹnị waa zụ mẹ ka waa jẹ nịnị nị?

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ijeremaya 23:33

Ẹnẹyịmavara ộ kà a yị Ijeremaya ka, àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana họ̀ ọ use ka, ụtụ sị Ẹnẹyịmavara tụ́ kẹ? Ọ̀ kà a yị ọza ọnọọ ka ẹnya ẹ vị yị Ẹnẹyịmavara nị. Ẹnẹyịmavara vaa kụ wa kwooze.

Ijeremaya 23:39

Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 9:15

Ohomorihi kà avaba ebira odivi ẹnịnị vi ene nyima hụrị Igirigarẹrị ịzị ọnị ya nyị ịhyẹrẹ ẹnịnị agụvị ịsa ọhịmị ẹnịnị. Booro aanị ọnị vaa dụ wa jịnẹ hụụnị ịnị irehi anị. Ọnị ẹ yị kụkụ vaa sì ịrẹyị ẹnịnị agụvị ka ọdọvịdị ẹnịnị e reè vene ọnị.

Ijowẹrị 2:15

Hú ọpanyị ịrẹsụ ataba Ịzayọnị; dị ẹ sị hị́ aza gụ, dị asị ọzọza rị ịsa agụvị ka ayị ẹnịnị o yi hine.

Ijowẹrị 3:2

Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Iwe Ọhụhị Imosiisi ana aa hị́ Ọyịvatụrọda 33:12

Imosiisi ộ kà yị Anịbẹnjamịnị ka; Aza ọnị Ẹnẹyịmavara sị ịrẹyị ẹnịnị, dị e sere wa ẹ vị nị. E sere wa eyinị-eyinị, dị ọ ya pe wa ịrẹsụ ataba ịzị ẹ ra nị.