Ijeremaya 12:6 - IWE ỌNỊNỊ

⁶ Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 12:6 Iomraidhean Croise

Ijoovu 6:15

Ijoovu ka ọta ẹnịnị ẹ yị wụra sị ayị tụra anka orosi ẹnị ẹ mā nyị enyi ọhahị avọọ.

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ahẹ Ụgama 12:3

Ẹnẹyịmavara aza ana vavọọ aa kụ́ hworo-hworo di e yee wo otoo zị aanị, navọ wa za wa irenu kụ oku.

Ahẹ Ụgama 69:8

Ma sị vara ọzọga yị ẹyịnyara amị ana a ma ẹmịrịị hụụnị ịnẹ ọnya vẹ.

Ụhịrẹyị 23:8

Ịsa ọnị wa rị ịzọọ vị ọnị ụ vaa hẹrẹ, dị avọ ọnị ụ kụ ọ vị ịhị kẹnẹ.

Ụhịrẹyị 26:25

Aa ka hworo-hworo, asị ụ dọ ọ wụ agụvị ka ịrẹyị ọhịmị vị enee chi ọ ẹngụ.

Ayịsaya 31:4

Ẹnẹyịmavara ộ kà a nị ka, “Ohi idu ọ̀ọ si uye za, di ee nowu kara a. Òo zee e eyi aza ene ee sere atẹmẹ ẹ̀ kụ́ gụ di èe nowu ka ẹnị ẹ̀ dụ ọ, e yi yèe hí angwa owu ẹnịnị. Ẹ̀ẹ daka nowu pooro, ẹ yị nyị ịzị aa gẹ idu. Avọọ Ẹnẹyịmavara Ochẹtẹẹngụ mè vee tenyi ẹngụ ịrẹkụ vee tù aza ene hi ịrẹsụ ataba nị.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 11:21

Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:4

Ọzọza ọ sị ụvọ za ẹngụ anị ịnị ụvọ ọta anị o; dị asị a nyị ọza ana sị ayị tụra ọza ka ọnịrị ọ ọọ vị ẹyịnyara. Ka ẹyịnyara vene kuku e vene ẹngụ anka Ijekọvụ avọọ. Dị ọzọza kuku e du ọnọhụva anịị zị nị.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Ịmaakị 12:12

Ọdọvịdị Aniju nịnị ê sì oze ka ẹnị ẹ̀ za a, ama angwa aza ee hí wa. Ệ yẹ ka eni ee che ụhịrẹyị ọnọọ yị nị. Dị ẹnịnị na a vọ, di e si hu aa na nị.

Ịjọọnụ 7:5

Ẹyịnyara Ijeesu ịnyẹmba ẹnị ẹyị hyakụ sị ayị tụra a bẹẹ.

Odeyi 16:22

Dị ọkọnị aza kwẹẹtẹ tù wa, dị ọmọkarẹyị nịnị za wuru Ịpọọrụ nịnị dị ẹ na a hụrẹ wa ẹngụ nị. Dị ẹ mẹ ọda ka è tụ́ wa ịjapa nị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.