Ijeremaya 12:12 - IWE ỌNỊNỊ

¹² Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 12:12 Iomraidhean Croise

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ayịsaya 57:21

Ohomorihi amị ka, aza edivi ẹ yị vaa nyị ẹngwọọrọ.

Ijeremaya 15:2

Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị.

Ijeremaya 16:5

Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 3:21

Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ijeremaya 30:5

Ọnị ộ wụ́ aza maa jị òrèrè ayị maa hụrẹ wa ịnẹ dị angwa ee hi wa, ẹnịnị ẹ́ yị nyị ẹngwọọrọ.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 47:6

Ẹwụ nịnị Anihwirisiti ka, kaaa! Ẹnẹyịmavara ọ̀ raa kụ́ ịrẹkụ tu wu nịnị. Ụ ka ịzị ọ vaa maanị tọ̀ wụ nịnị ụnava nee tu? Ịhị ụ vaa nyị ụhwọtụ nịnị da?

Ijeremaya 48:2

Avaba ụbanyị ọnị Imowabi vịdị nyị vaa ta. Ọnịvị ọza ọ sị ẹtẹ Ịhẹsịbọnị za. Ẹyaa gẹ eyi ẹ́ mẹmẹ vee vú ẹtẹ Imowabi ẹtẹ. Ọkụrẹkụ nịnị vaa kwẹẹtẹ tu ẹkụra Ịmadịmẹnị, dị ẹ mẹ̀ ẹ sisisi.

Ijeremaya 8:15

Ẹ ka, ẹnị ê zi ẹngwọọrọ ọnịrị ụmẹ ẹngwohyahị eyi, ama ẹnị e yị ve re ọyịza ọnyọọnyị. Re, ayịhụrịnẹ kẹnẹ o hi ẹtẹ nị.

Arụwẹ 3:17

Ọnị ẹ yị kụkụ nyị ẹngwọọrọ. Ọnị ẹ yị kụkụ yẹ ịsị aa hị́ ayohine vụrụ-vụrụ.

Ezikẹẹrị 14:17

Ọnị ọ̀ọ va mẹ ka à kụ́ ịrẹkụ na ngụ ẹkụra ọnọọ, dị a wụ̀ aza ọnịrị ịsụpa nịnị va ha nị,

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ezikẹẹrị 21:4

Ọnị vaa tụ̀ ụhwọọ tu ọza ịnya-ọza ịnya awụ nịnị hụrị eyi ẹbẹẹba na ngụ eyi ụvẹtẹ.

Ezikẹẹrị 21:8

Ezikẹẹrị ka Ẹnẹyịmavara ộ rẹ kà a yị ọnị ka,

Ezikẹẹrị 21:9

Ozi-ọza, ọnị ọ̀ kà ụtụ ọnọnị ọnị ọnị Ẹnẹyịmavara tụ́ yị Anisirẹrị nịnị ka: Ịrẹkụ ọ vẹ. Asị ụhwọ ne; á raa da ịsa sisi ọ.

Ezikẹẹrị 5:2

Ẹnẹyịmavara kà ịjị ọpa ẹkụhị ọnị ọnị aa yà ịnị ẹngụkataa vị̀ ọọ sị gụ, ọnị ọ̀ sị oze ọnyara ịnị ẹyị anị ọnọọ, dị ọnị ọ̀ rị ọ ịra Ijerusarẹmị. Ọ kà ọnị ọ̀ rẹ sị oze ọnyara ọsa, dị ọnị ọ̀ sị ụhwọ yẹrẹ ẹ và hí ẹtẹ kara Ijerusarẹmị. Ọnị ọ̀ sị oze ọnyara ana vọ dị ọnị ò hira a và hí ịnị ahị, agụvị ka ọnị Ẹnẹyịmavara vaa tụ ụhwọọ dụ Anijerusarẹmị nịnị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Emọsị 9:4

Ọnịrị ẹnịnị ẹ daka za wa ọrịhị ne hi ẹtẹ Anikinami ọnị va mẹ ọda ka a wụ̀ wa ịzọọ. Ẹnẹyịmavara kà ọnị o tenyi ẹngụ ka ọnị e vu wa ẹtẹ, ọnị ẹ yị vaa gụ wa ụvọ.

Ịzẹhwanaya 2:12

Ẹnẹyịmavara va wụ Anetiyopiya nịnị ha.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Ẹtore 6:4

Dị umaata ovivi ọnya ọnị rẹ jịnẹ tụ́ ẹhẹ nị. Â sị ụkata yị ọza ana tụra a ka ọ̀ kụ́ ịrẹkụ hi ịnị ẹhẹ, dị aza ẹẹ wụ ẹngụ nị. Â sị ụhwọ ọnyaa yọ.