Ijeremaya 12:1 - IWE ỌNỊNỊ

¹ Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ijeremaya 12:1 Iomraidhean Croise

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ẹzịra 9:15

Ẹnẹyịmavara Ohomorihi Anisirẹrị, ọnịzẹyịza ụ vị nị. Ama wâ navọ ẹyị ana vẹtẹ ka ya yara ve tu ajịnị. Yâ dọ irenu ka yâ rị ịvị. Ọnị ọ mẹ ka asị ị kụkụ zụ vẹ ọvịdị awụ nị.

Inehemaya 9:33

Ụmẹ tụra ụmẹ ọnị wa maanị sị sị ụya rị yị, yâ yẹ ka á mẹ vọrọ yị yọ nị, agụvị ka ya raà mẹ̀ ebira odivi.

Ijoovu 12:6

Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.

Ijoovu 13:3

Ama Ohomorihi Ochẹtẹẹngụ ọnị ee si ka ọnị ọ̀ kà ịrẹyị ẹngụ anị zụ nị.

Ijoovu 24:12

Aza ana tọ ụnava hi ini ẹkụra ee na owu ka à gụ ẹnị ụvọ, dị aza enee su a jị òrèrè nị, ama Ohomorihi o yi tụ wa ohi.

Ijoovu 24:23

Ohomorihi ọ zụ sere wa ama ọ nyayịnẹ sị eyi pe wa ụmẹ tụra ụmẹ nị.

Ijoovu 8:17

Ọ rẹ sị mẹẹ anka avị ọnị ẹpa anị para biri-biri za ịrẹta ene re avọọ nị.

Ahẹ Ụgama 116:5

Ẹnẹyịmavara vị ana aā vayị ọza, dị ọọ̄ mẹ̀ ịsa ana vọrọ. Mị ka Ohomorihi ayịị̄ vayị ọza ẹnẹmẹhị.

Ahẹ Ụgama 119:137

Ẹnẹyịmavara, ịsa ana vọrọ ụụ̄ mẹ nị, ọda ọnị ụ mẹ vị ana rẹ vọrọ.

Ahẹ Ụgama 119:75

Ẹnẹyịmavara, mâ yẹ ka ọda ọnị ụ mẹ ộ vọrọ, mâ yẹ ka ọda ọnị ụ mẹ ộ vọrọ. Mâ yẹ ka ayị ọnya ụ sị sị ụya rị mị nị.

Ahẹ Ụgama 145:17

Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ. Ô sì ịrẹyị avaba ịsa ọnị ọ tụ́.

Ahẹ Ụgama 37:1

Asị ụ na hụ agụvị aza edivi ana aa mẹ̀ ebira ẹnẹ ẹ̀ yị vọrọ, dị waa kụ́ ayị Asị a nyị ịsị ẹ mẹ̀ ka wa na vụva ka wa nyị ogu ẹnị ẹ nyị.

Ahẹ Ụgama 37:35

Ma raà sị eyi amị re aza edivi ẹnị ẹ̀ yị mā vayị ọza ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ịrẹyị Ọzwọzịsa 8:14

Ịsị ọsa ana raa mẹ ịnị ẹhẹ ana mẹ ka ẹhẹ ọnọnị ọ vị osusu ọ vị ka: ọza ọyịza ọnị ịrẹyị ee tù anka ọza odivi avọọ, ọnịrị ọza odivi ana rị aha anka ọza ọyịza avọọ. Dị ọnị ka, ọnọnị bẹẹ rẹ vị osusu.

Ayịsaya 41:21

Ịsị Ẹnẹyịmavara ana vị ohinọyị Anisirẹrị kà a yị: Ẹwụnị ori anẹkụra nịnị va kụ irenu awụ nịnị. Sị ohi awụ nịnị ene hu kere-kere vẹ.

Ayịsaya 48:8

Ẹnẹyịmavara kà ọnị ọ yẹ ka ẹnịnị ẹ yị wụra sị ayị tụra. Â yẹ wa ka anakamawụ ẹ vị hụrẹ ẹtẹẹtẹ nị. Agụvị avọọ ẹ yị wụ́ ịrẹyị ọnọnị vụrụ-vụrụ nị. Ẹnịnị ẹ sị ụtọ kụ ahị ịrẹyị anị.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 3:20

Ẹnẹyịmavara kà, ama ẹwụ nịnị Anisirẹrị, anka ọnẹẹ ẹnẹẹ yị nyị ịzẹyịza ana para ọva anị hu avọọ, avọọ ụ wẹ yị mẹ mẹ ịzẹyịza hi ọnị nịnị nị.

Ijeremaya 3:7

Ẹnẹyịmavara kà ọnị ô rò ka ọ̀ọ sị avaba ẹsẹnị mẹ, ọ vaa và a ka ọnị vẹ, ama ọ yị và vẹ. Ijuda, onyeyiza anị ẹnẹẹ yị nyị ịzẹyịza oo ré avaba anị nị.

Ijeremaya 32:16

Ijeremaya ka, ịjị ọnị raa sị iwe ana a sị hị́ ẹtẹ aanị yị Ibaruki, ọnị ộ mẹ̀ aduwa, dị ọnị ka:

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Arụwẹ 1:18

Ịsị Ẹnẹyịmavara mẹ̀ vana vọrọ, agụvị ka ẹnị ẹ rẹẹ yị saasa ịrẹyị Anị nị. Ama re ụya ọnị ẹ yaa rị aanị. A raà kụ ezi ọnọrụ ẹnịnị ọnịrị ezi anẹẹ ẹnịnị za ọrịhị ne hi ẹkụra ọsa.

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ịdanịyẹrị 9:14

Avọọ Ẹnẹyịmavara tenyi ẹngụ dị ọ sị ụya rị ẹnị nị, ka Ẹnẹyịmavara ana vị Ohomorihi ẹnịnị vị anaā mẹ̀ ịsa ana vọrọ ọnịrị ka ẹnị ẹ yị saasa ịrẹyị anị.

Ịdanịyẹrị 9:7

Dị ọnị rẹ kà a yị Ananyị yị ka ọnị ọọ̄ mẹ̀ ịsa ana vọrọ nị ẹnị vanaā mẹ̀ ụhị nyị ẹngụ nịnị pooro kẹnẹ. Avọọ ọ mẹ yà yị avaba ẹnịnị ene hi Ijudiya ọnịrị Ijerusarẹmị beri avaba ẹnị Anisirẹrị ana Ananyị yị dụ ne hi ẹkụra irenyi-irenyi agụvị ka ẹnịnị ệ yị mẹ ịzẹyịza hi ọ nị.

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ihabaku 1:4

Ịzẹyịza ọ ta hụrẹ ẹtẹ. Aza ọhịmị ẹ kụkụ aa nyị ẹbẹẹba aza ọyịza nị. Aza ẹ yị kụkụ saasa ọda Ẹnẹyịmavara. Ọzọza vị ana mẹ̀ ịsa ene zee eyi kẹnẹ.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.