Ijeremaya 11:9 - IWE ỌNỊNỊ

⁹ Ijeremaya ka Ẹnẹyịmavara ộ rẹ kà a yị ọnị ka, Anijuda ọnịrị Anijerusarẹmị nịnị aa gẹ eyi ọyị kwẹẹtẹ tụ ọnị, Ẹnẹyịmavara.

Ijeremaya 11:9 Iomraidhean Croise

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ihoseya 6:9

Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imatiwu 26:15

Dị ọ kà a yị wa ka, “Sị ụ vaa sịị mị nịnị, dị ma sị Ijeesu chire wu nịnị ụvọ?” Dị ẹ sị akata yọ nị.

Ịjọọnụ 11:53

Hụrẹ ịhị ọnọọ dị ọdọvịdị Aniju nịnị aa gẹ eyi ka ẹnị ẹ̀ wụ Ijeesu nị.