Ijeremaya 11:6 - IWE ỌNỊNỊ

⁶ Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ijeremaya 11:6 Iomraidhean Croise

Ahẹ Ụgama 15:5

Ẹnịnị ẹ̀ẹ sị ẹkẹhị rere ọza ẹ yị mā dọ ọtụrọsa. Ẹ yị mā rẹ dọ ochirerenu ka ẹnị ẹ̀ sị jị ịvị yị ọza ana rị ịhị. Aza ệ vavọọ aa mẹ ẹngụ ebira ẹnẹẹ ẹ yị nyị ịsị ẹ vaa mẹ wa paa.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 7:2

Ọ kà, ọ̀ na jẹẹ oze ọnị Anijuda nịnịị zị ngụ ịnị irehi Ẹnẹyịmavara vaa hẹkẹ ẹ, dị ọ̀ kà a yị wa ka,

Ịzakaraya 7:7

Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.