Ijeremaya 11:4 - IWE ỌNỊNỊ

⁴ Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 11:4 Iomraidhean Croise

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

1 Ohinọyị 8:51

Wâ yẹ ka aza awụ ẹ vị nị. Ẹnị ụ kụ́ jịnẹ hụrẹ Ijipiti nị. Wâ yẹ ka ịnị ịra gogogo ụ kụ́ wa hụrẹ nị.

2 Ohinọyị 18:6

Ộ sị ịzẹyịza saasa Ẹnẹyịmavara, ẹ nyị ụmẹ ọnị ọ sị mẹ akamawụ hi ọ. Ama ộ tangwa saasa ọda ọnị Ẹnẹyịmavara mẹ yị Imosiisi.

Ọyịkụra 20:6

Ama ọza ene èe sì ịrẹyị amị, dị ọ jẹẹ pè ọda amị nị, emi re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Ayịsaya 30:6

Ịrẹyị oni Ohomorihi kà ini oze uye ene hi ịnị ụnọmị éyi ụvẹtẹ yị. Ọnịtụ ẹnẹẹ ệ zi oze ịnị ụnọmị odivi ọnọọ na para hu. Idu ọnịrị ẹwụ edivi irenyi-irenyi vi ene hi ịnị ụnọmị ọnọọ. Ọnịtụ ẹnẹẹ ệ hara ogu ẹnịnị di e kune e tụra ịnyaakụmị dị ẹ kụ́ ọ aa nọ ẹkụra ịzị ẹ̀ yị nyị ọgụ ene e vee re ịzọọ nị.

Ayịsaya 48:10

Ẹnẹyịmavara kà ọnị ộ sị ẹngụkata zama wa re anka aā mẹẹ sị ịra akẹnẹ zama isiriva re avọọ. Ama ọnị ore ka ẹ yị nyị ịsị ẹ vị.

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

Ijeremaya 30:22

Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 32:28

Agụvị avọọ, Ẹnẹyịmavara kà: Rẹ, ọnị vaa sị Ijerusarẹmị chire Inebukadineza ohinọyị Ịbabịrọnị ọnịrị ezirẹkụ anị nịnịị ụvọ. Ẹnịnị vaa nyị ẹbẹẹba anị,

Ijeremaya 38:20

Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 14:11

Ọnị vavọọ vaa mẹ wa, agụvị asị Anisirẹrị nịnị rẹ kụkụ va hụụ ịrẹma anị, naa mẹ̀ ebira odivi ene ee du wa ẹngụ. Ẹnẹyịmavara Ananyị ụkata hu ka aza anị a vọrọ ka ẹnịnị ẹ̀ vị, dị ọnị vị Ohomorihi ẹnịnị nị.

Ezikẹẹrị 36:28

Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị.

Ezikẹẹrị 37:23

Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ịdanịyẹrị 3:26

Dị Inebukadineza nọ enoze ọba ịra ọnọọ, dị ọ hị́ wa nị, Isediraki! Imesaki! Abedinego! Ezi ahụ Ohomorihi ene hu kere-kere! Ẹ̀ jịnẹ vẹ. Dị ẹnịnị jịnẹ vẹ obobooro ọnọọ nị.

Ireevi 26:12

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ireevi 26:3

Ẹnịnị àa ra ẹhẹ ẹnịnị ọnị mẹ kà a yị wa, dị ẹ́ yaa saasa ọda anị nị,

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 6:15

Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Iwe Ọhụhị Imosiisi ana aa hị́ Ọyịvatụrọda 11:27

Ọ kà ịhị ọnọọ ọnị aa sị ọda Ẹnẹyịmavara yị wa nị. Ẹ̀ẹ saasa a, Ọ vaa mẹ ka oo ze yị wa.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Iwe Ọhụhị Imosiisi ana aa hị́ Ọyịvatụrọda 5:6

Ẹnẹyịmavara kà ọnị ọ vị Ohomorihi ẹnịnị ana tù wa hụrẹ Ijipiti ịzị ẹ vịdị vị ọrịhị tụ́ nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.