Ijeremaya 11:10 - IWE ỌNỊNỊ

¹⁰ Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 11:10 Iomraidhean Croise

Ahẹ Ụgama 78:57

Ẹnịnị ọnị ẹ yị rẹ sị ịnẹ yị Ohomorihi, ẹ yaa mẹ̀ ebira ohiku ẹnịnị Ẹnịnị vị ana sị mẹẹ anka ọpa ana rara avọ, ọza ọ yị zụ sị ayị tụra wa.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 22:9

Ẹnịnị vee tụ́ ohi ịjị ọnọọ ka, agụvị ka waa hụrị ụvọ ịrẹyị ẹwụrị ọnị, Ohomorihi awụ nịnị dudu dọ beri nịnị yọ nị. Wa naa hẹkẹ ori nịnị, dị waa kụụ yị wa nịnị nị.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ijeremaya 44:16

Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ijeremaya 44:5

Ama wẹ yị wụ nịnị. Wé yị dọ ka wa hụụnị ịsị odivi ọnị waa mẹ, dị waa mẹ̀ ịsọvọ hi ori nịnị.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ezikẹẹrị 16:59

Ẹnẹyịmavara kà, ọnị va mẹ wụ ịsị ene rere wu gẹdẹ-gẹdẹ, agụvị ka wâ sị ahụ jịnẹ eku ọnị ụ hị́, wẹ́ yị mẹ ịsị ụ kà a ka ụ vaa mẹ.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ezikẹẹrị 5:6

Ama Anijerusarẹmị nịnị ẹ́ ra kụ́ hịrẹ ọnị, ẹnịnị ẹ́ yị saasa ọda anị, dị é sị zụ̀ ka ẹnị e divi huni anẹkụra ana vọ nịnị nị. Ẹnẹyịmavara kà Anijerusarẹmị nịnị ê yi ọda anị tịtẹ, ẹnịnị ẹ́ yị saasa a.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ireevi 26:15

Ẹnịnị èe yi ka ẹnị ẹ́ yị saasa ọda anị, dị ẹnịnị ẹ̀ yị saasa ịrẹyị ọnị ọnịrị wa hị́ eku yị ẹngụ tụ nị,

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Iwe Ọhụhị Imosiisi ana aa hị́ Ọyịvatụrọda 9:7

“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.

Anihiburu 8:9

O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.

Ọdọvịdị 2:11

Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị.

Ọdọvịdị 2:17

Ẹnẹyịmavara mẹ maanị ẹ̀ wa, ẹnịnị ẹ yị wụ́ chire ọdọvịdị ẹnịnị nị. Ẹnịnị vị ana yịị dụ ori zị, dị ẹ yaa hẹkẹ wa. Ẹ ra va hụrẹ ịrẹma ohiku ẹnịnị ana saasa ọda Ẹnẹyịmavara. Ẹnịnị ẹ yị hama wa vụrụ-vụrụ.

Ọdọvịdị 2:19

Ama ụmẹ tụra ụmẹ ọnị ọdọvịdị ẹnịnị òo su, dị ẹ rẹ varẹma naa mẹ̀ ebira ene divi hu ohiku ẹnịnị. Dị ẹ yaa saasa ori, dị ẹ yaa hẹkẹ wa. Ẹnịnị ẹ yị hụrẹ ebira akamawụ ẹnịnị tịtẹ.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.