Ijeremaya 10:9 - IWE ỌNỊNỊ

⁹ Ori ẹnịnị vị ana a sị isiriva ọnịrị igooru mẹ ẹtẹ Itasisi ọnịrị ẹtẹ Uhwaazị. Ụkọrọ ụvọ aza ẹ vị nị. Dị ee chire wa awuru akàaka ọnị aza ana yara mẹ̀ ụkọrọ ẹtẹẹtẹrẹ hi ịta anị.

Ijeremaya 10:9 Iomraidhean Croise

1 Ohinọyị 10:22

Enyusẹ ẹkẹhị ộ vavọọ gụ ẹtẹ agụvị ka ohinọyị vị ana nyị ẹpa Anitasisi gụ ẹtẹ ini òkū kẹnẹ. Avọọ ẹpa Ihirami ẹnị mẹ̀ rẹ gụ nị. Ịnị akakana ịrayị ẹẹta ẹpa Anitasisii hara igooru ọnịrị enyusẹ ẹkẹhị ne beri ike ọnịrị ọnchẹrẹ beri inomi ana aā hi igonggo, va a yi ohinọyị ụpẹ ọnya.

2 Ịtọpa 9:21

Isoromọnị ohinọyị ộ nyị ẹpa ịnị enyi rụrụ ẹnị ezi ahụ anị aā sị sẹ ohu na Itasisi beri ene hi Ihurami. Ịrayị ẹtẹẹta ọọ̄ sịị tụ́ wa na kụ igooru, isiriva, ọhọmị ọdọba beri ọkavụ nịnị ọnịrị inomi ana nyị asịsẹ achẹrẹ-achẹrẹ hụrẹ na yọ.

Ahẹ Ụgama 115:4

Ẹkẹhị ọnịrị igooru aza ẹnẹẹ ẹnị sị mẹ ori ẹnịnị nị. Ọza ọ sị ụvọ anị tụ́ ori ẹnẹẹ nị.

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Ayịsaya 23:6

Kụ́ ẹnya awụ we zwee nọ Itasisi ẹwụ nịnị Anitaya.

Ayịsaya 40:19

Ẹ yị vene ori ọnị azaā bẹ, dị a wụ́ igooru ku, dị a sị ọ jẹẹ ịrẹsụ enyusẹ isiriva.

Ezikẹẹrị 27:12

Ẹwụrị anẹkụra ana aā hị́ Isipeni aa sẹ ohu gẹ nị. Ệ sị isiriva ọnịrị enyusẹ irenyi-irenyi vaa hị̀ ogu ozoza-ozoza ọnị ụ nyị va gwẹtẹ hụụnị ụvọ awụ nịnị.

Ezikẹẹrị 27:7

Ịta Anijipiti ọyịza-ọyịza ana a mẹ̀ ụkọrọ hi, aa gana ku ẹpa awụ nịnị nị. Aza èe re e hụrị aha ẹnẹẹnẹ kẹnẹ aa yẹ ẹ nị. Ịta Anịsayịpụrọsị ene zoza kere-kere a sị jị ozokete ẹpa awụ nịnị nị. Enyi anị vị achẹrẹ ódodo

Ịdanịyẹrị 10:5

Ọnị ộ kana eyi, dị ọnị ré ọza ịnyara aanị ana kụ ịta ọvụ hwẹkẹ-hwẹkẹ hi ẹngụ, dị a hịka igooru a sị mẹ obo ọnị ọ sị sụ ọtẹ nị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ijona 1:3

Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị.

Ihabaku 2:19

Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.