Ijeremaya 10:6 - IWE ỌNỊNỊ

⁶ Ẹ yị nyị ọza anka ẹwụ Ẹnẹyịmavara o. Waa nyị ụkata ẹtẹẹtẹrẹ, avọọ ịrẹha awụ mẹ banyị dị ọ nyị ụkata ẹtẹẹtẹrẹ nị.

Ijeremaya 10:6 Iomraidhean Croise

2 Ịsamụwẹrị 7:22

“Ẹnẹyịmavara Ochẹtẹẹngụ, wâ nyị ụbanyị o! nyị ọza ene e siī jị uwe awụ. Ẹ yị nyị Ohomorihi ọsa à yị vị ẹwụ. Â vịdị vavọọ sị sị ọ kà yị,

1 Ịtọpa 16:25

Ẹnẹyịmavara ộ banyị, ọnị a vọrọ ka àa kụ́ avọ nị, ọnị a vọrọ ka aza ẹ̀ẹ sị ụbanyịị yị huna avaba ori nị.

Inehemaya 4:14

Ịjị ọnị re ka angwa ee hí aza, dị ọnị hị́ ọdọvịdị nịnị ọnịrị aza ana vọ gụ, dị ọnị tụ wa ọtụtụrụma ka asị e hí angwa ọnịvị ẹnịnị. Ẹ tama ayị Ẹnẹyịmavara mẹmẹ banyị ọnịrị ẹpazizi anị. Ẹ kwẹẹtẹ ẹ vụ ịrẹvụ agụvị anda ẹnịnị, ezi ẹnịnị ẹnịrị ese ẹnịnị ne beri ovwoovu ẹnịnị.

Inehemaya 9:32

Kwogwo, Ẹwụ Ohomorihi ayị, Ẹwụ Ohomorihi ragada, anị vị Ochẹtẹẹngụ, ẹwụ ana ahịka ka ọkatịtẹ ọnị ụ mẹ mẹ vị ọnị ụ saasa, dụ uū sì ịrẹyị ọza pooro; navọ wa kana eyi we re ụya ọnị yaa rị aanị. Ụya ọbanyị ọ raà vẹ ẹyịrị ohinọyị ayị nịnị ịrẹsụ neberi ezi ohinọyị nịnị, ohirẹsụ irehi Ohomorihi nịnị, hi ọnịsẹ ayị nịnị ọnịrị ada ayị nịnị hụrẹ ụmẹ ọnị ohinọyị Anasiriya nịnị sị aa mẹ ẹvayaa yị avọọ huu va ngụ ọyaanị.

Ahẹ Ụgama 145:3

Ẹnẹyịmavara vị ana nyayịnẹ nyị ụbanyị. Avọọ a mẹ̀ rẹ vọrọ ka àa kụ́ ọ avọ nị, nyị ọza ana ka ọnị ộ yẹ ịzị ọ nyị ụbanyị ne tù.

Ahẹ Ụgama 147:5

Ananyị yị ộ nyị ụbanyị, avọọ ọ mẹ̀ rẹ nyị ụkata nị. Ọza ọ yị nyẹngụ kà a ịzị ọ yẹ ịrẹyị ne tù.

Ahẹ Ụgama 35:10

Dị mị kụkụ aa kà a zị ka ẹ yị ọnya ọza ana vị ẹngụ ẹwụ Ẹnẹyịmavara Ẹwaā dọ oniruwa hụụnị ụvọ aza ene huna a nị, dị ụ dọ ọ tụ́ hụụnị ụvọ ọza ana aa mẹ ẹchakaa yọ.

Ahẹ Ụgama 48:1

Ẹnẹyịmavara vị ana nyayịnẹ nyị ụbanyị Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.

Ahẹ Ụgama 96:4

Ẹnẹyịmavara ộ banyị, ọnị a vọrọ ka àa kụ́ avọ nị. Ọnị a vọrọ ka aza ẹ̀ẹ sị ụbanyịị yị huna avaba ori nị.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ọyịkụra 8:10

Di Ihwarawo ka ụhwọọ yọ nị. Di Imosiisi ka ọ mẹ̀ kà a avọọ, ọ vavọọ vaa yà, dị ọ̀ yẹ ka ẹ yị nyị ọza anka Ẹnẹyịmavara ana vi Ohomorihi ayị.

Ọyịkụra 9:14

Ọ kà ọ̀ kà a ka ọ̀ yị hụrẹ wa ụvọ ọnị vaa kụ́ ẹngụkataa tù ọnịrị anụkọrọ anị ne beri aza anị. Ọ kà ọ̀ kà a ka ọnọọ vaa mẹ ka ọ̀ yẹ ka ẹ yị nyị ọza anka ọnị Ẹnẹyịmavara ịnị avaba ẹhẹ.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 40:18

Ẹnẹ a nyẹngụ sị juwe Ohomorihi kẹ? Sị a zụ sị jiwe anị kẹ?

Ayịsaya 40:25

Ẹnị a zụ sị juwe yị Ẹnẹyịmavara kẹ? Áá nyị ọza ene vene e?

Ayịsaya 46:5

Ẹ̀nị ụ ve sịị juwe amị nịnị? Áá nyị ọza ana yà anka m mẹ̀ ya?

Ayịsaya 46:9

Tamayị ịsa ọnị mị mẹ nịnị ịyẹẹyẹ, agụvị ka Ẹma vị Ohomorihi nị, ị́rẹma amị ẹ yị nyị ọza ẹnẹsa.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ịdanịyẹrị 4:3

Ọ kà, ụkọrọ ohyozirenu oni Ohomorihi sị zụ ẹnị ộ da banyị kẹnẹ. Ụkọrọ ịvọpa anị ộ banyị. Ọ kà, Ohomorihi ọ vị ohinọyị ana vaa mẹ ịjọva pooro nị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Iwe Ọhụhị Imosiisi ana aa hị́ Ọyịvatụrọda 32:31

Ọnịvị ẹnịnị ẹ dọ ka ori ẹnịnị ẹ yị nyị ụkata anka Ohomorihi Anisirẹrị nịnị.

Iwe Ọhụhị Imosiisi ana aa hị́ Ọyịvatụrọda 33:26

Ẹwụ nịnị Anisirẹrị, ẹ yị nyị ori ana ya anka Ohomorihi ẹnịnị. Ọọ̄ tụra eguhi chi hụrẹ ẹbẹẹba vaa gụ ụ nịnị ụvọ nị.