Ijeremaya 10:11 - IWE ỌNỊNỊ

¹¹ Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:11 Iomraidhean Croise

Ahẹ Ụgama 96:5

Avaba ori anẹkụra nịnị vị ọchị kẹnẹ ana bẹ, ama Ẹnẹyịmavara ọ mẹ ẹbẹẹba nị.

Ayịsaya 2:18

Ọza ọ mā vana wụ́ ịrẹha ịsa ana aa hị́ ori.

Ayịsaya 57:12

Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 43:12

Ọ kà, ohinọyị Ịbabịrọnị vaa jị ịra da irehi Anijipiti nịnị. Ọọ rị ori ẹnịnị ẹnyị ịra, dị ọ kụ ẹnyị aa na. Óseratẹmẹ mẹẹ tọ̀ọ́ ịhyama hụụnị ịta anị hụyẹ-hụyẹ, avọọ ohinọyị Ịbabịrọnị mẹ vaa nyị ẹbẹẹba Ijipiti, dị o hì ọ hụyẹ-hụyẹ, dị aa na nị.

Ijeremaya 43:13

Ẹnẹyịmavara kà, ọhẹ ana a sị ịrẹta mẹ tụ ịzị aā hị́ Iheriyoporisi ẹtẹ Ijipiti, ẹnẹ ẹ yaa hẹkẹ avọọ, vị ọnị ohinọyị Ịbabịrọnị vaa chaka rugu-ruguu vàa ha. Dị ọ rị irehi ori Anijipiti nịnị ịra va ha.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 51:18

Ẹnịnị ẹ́ yị wụra sị ụbanyị yị agụvị ka ịsa kẹnẹ-kẹnẹ ẹ́ vị nị. Ịjị ụmẹ oo tu ka Ẹnẹyịmavara ọ̀ sị ụya rị wa, o vee vu wa ẹtẹ.

Arụwẹ 3:66

Sị ọyịkụ-ọyịkụ dụ wa, di we vu wa ẹtẹ hụụnị ẹhẹ.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Ẹtore 20:2

Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.

1 Ịsamụwẹrị 5:4

Ẹnẹnẹ eyinẹhẹ anị, dị ẹ rẹ nọ ini eehi Ịdagọnị ori ẹnịnị nị. Di e re ne tù ka Ịdagọnị ọ rẹ sị hyẹdụ, di o và eyi kú ẹtẹ tụ́ ọvịdị Apoti Ẹnẹyịmavara nị. Dị ịrẹsụ anị ọnịrị ụvọ anị kụ́ swẹ va hi enoze nị. Dị ahịka igugu ori ọnọọ kẹnẹ ọ kụkụ vọ nị.