Ijeremaya 10:10 - IWE ỌNỊNỊ

¹⁰ Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 10:10 Iomraidhean Croise

Oyinyima 21:33

Di Abụrahamị chire ọchị ana aā hị́ Ịtamasiki tụ́ Ịbẹẹsẹba nị. Dị ọ yà ịzọọ mẹ̀ aduwa yị Ẹnẹyịmavara, Ohomorihi ana yà ịzọọ pooro zịna-zịna nị.

1 Ohinọyị 18:39

Ịjị avaba aza ẹnẹẹ vavọọ re e, dị ẹ tana tụra ẹtẹ dị ẹ kà, “Ẹnẹyịmavara ọnị ọ vị Ohomorihi nị, Ẹnẹyịmavara ọnị ọ vị Ohomorihi nị.”

1 Ohinọyị 8:60

Ọ̀ vavọọ mẹ agụvị avaba anẹhẹ ẹ̀ zụ yẹ ka Ẹnẹyịmavara ọ vị Ohomorihi nị, ka ẹ yị nyị ọsa.

1 Ịtọpa 29:11

Wáa banyị, dị ụ nyị ụkata nị. Wáa nyị ụbanyị, wée zoza, dị ụ vị ohinọyị nị. Ẹwa nyị avaba ịsa ene hi ẹbẹẹba ọnịrị ẹhẹ nị. Ẹwa vị ohinọyị ene hu anaa mẹ ohinọyị tụra avaba anẹhẹ ịrẹsụ nị.

2 Ịtọpa 15:3

Ộ kà a o sị kù ọnị Anisirẹrị nịnị hụrẹ Ohomorihi ụvọ. Ẹnịnị ẹ yị nyị ohirẹsụ irehi Ohomorihi nịnị ana vọrọ ka ẹẹ sị ịrẹyị anị zụ wa. Ẹnịnị ẹ yị nyị ọda Ohomorihi ọnị ẹ yaa saasa.

Ijoovu 9:6

Ohomorihi ọ̀ ziizi ẹtẹ jigijigi angwa vene hi ataba nịnị.

Ahẹ Ụgama 10:16

Ẹnẹyịmavara ọ vị Ohinọyị pooro zịna-zịna nị Aza ẹnị ẹ̀ yị hẹkẹ ẹ vi ene vee vú ẹtẹ hụrẹ ẹtẹ.

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Ahẹ Ụgama 100:5

Ẹnẹyịmavara vị anaā mẹ̀ ịsa ene zoza, vi oō sì ịrẹyị ọza pooro nị. Ẹ yị nyị ụmẹ oni o ve sii vene ọza pooro pàá.

Ahẹ Ụgama 104:32

Wâ kana eyi re ẹhẹ, dị aa banyị nị. Ụ mẹ̀ kanyị ataba, dị aa tụ́ areyi nị.

Ahẹ Ụgama 114:7

Ẹwụ nịnị anẹhẹ, wàa maanị re Ẹnẹyịmavara ana vị Ohomorihi oni Ijekọvụ aa hẹkẹ, waā banyị nịnị.

Ahẹ Ụgama 145:13

Ẹnẹyịmavara, ẹwa vị ohinọyị pooro zịna-zịna nị. Avọọ ụ mẹ vaa mịị mẹ ohinọyị pooro nị. (Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ. Vị ọ nyayịnẹ sì ịrẹyị avaba ịsa ọnị ọ tụ́ nị.)

Ahẹ Ụgama 146:6

Ohomorihi ọnọọ ọ mẹ ẹbẹẹba ọnịrị ẹtẹ ne beri oku ọnịrị avaba ịsa ene hi ịnị anị nị. Ọnị ọ vị Ẹnẹyịmavara ana ahịka vị ọọ̄ mẹ ịzẹyịza pooro nị.

Ahẹ Ụgama 18:7

Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi dị ataba nịnị ee zizi di e yee hu iruvo nị.

Ahẹ Ụgama 29:10

Ẹnẹyịmavara vị ana yaayịtẹ tụra ịrẹsụ ọhaara enyi Ọnị ọ vị ohinọyị pooro zịna-zịna nị.

Ahẹ Ụgama 31:5

Mâ sị ẹngụ amị ve chire wụ ụvọ, ẹwụ Ẹnẹyịmavara Ohomorihi mâ yẹ ka ịzẹyịza ụụ̄ mẹ nị.

Ahẹ Ụgama 42:2

Mee sì wu ẹtẹẹtẹrẹ Ohomorihi ana yàra Eyi awụ vị ana nyayịnẹ aa tụra amị Ohomorihi, ịhị ụ ka mee nee re oze dị ma vẹ ini eehi awụ dị ma va hẹkẹ wụ?

Ahẹ Ụgama 68:11

Ananyị yị ọ sị ịrẹyị kà, di Ohomorihi anyẹnẹẹ kụkụ aa kà ana nị

Ahẹ Ụgama 74:12

Ohomorihi ẹwa vị ohinọyị ayị hụrẹ ụmọrụmọ nị, wa raà dọ yị há éyi anẹhẹ.

Ahẹ Ụgama 76:7

Ẹwụ ịnya kẹnẹ a vọrọ ka ọza òo hú angwa anị nị, agụvị ka ịjị ayị aa kụ́ wụ, ẹ yị nyị ọza na zụ jẹẹ zi wu.

Ahẹ Ụgama 76:8

Ụ mẹ̀ yà ẹbẹẹba dị ụ mẹ̀ ọkarẹyị, angwa vi ene hi anẹhẹ, dị ẹ kụkụ hi ẹtẹ sisisi.

Ahẹ Ụgama 77:18

Áhị màa tụ́ kukuku, aza vị ana aa yị wụ́ apaana ihinẹba màa há. Ịnyanya aa rị, dị avaba ẹhẹ ee zizi nị.

Ahẹ Ụgama 84:2

Eyi irehi awụ aa tụra mị kẹnẹ. Ohomorihi ana yà ịzọọ, à kà ka me vene re ka mị yà ịda awụ.

Ahẹ Ụgama 9:8

Ịzẹyịza ọ vaa sị mẹ̀ ọkarẹyị anẹhẹ nị. Ịzẹyịza ọ rẹ vaa sị mẹ ịjọvaa tụra wa nị.

Ahẹ Ụgama 90:11

Ẹ̀nị ẹ ka ọnị ọ zụ kà a ịzị ọyịkụ awụ dẹngụ na za? Wàa kụ́ ayị, ivóvò vị ana aa ngụ avaba aza ẹngụ.

Ahẹ Ụgama 90:2

Dị ụ va yẹ ka ụụ mẹ ataba nịnị ne beri eteesu ọnịrị ẹhẹ hụrẹ ụmọrụmọ ẹwụ vị vị Ohomorihi nị.

Ahẹ Ụgama 93:2

Hụrẹ ụmọrụmọ ụ hụrẹ vị ohinọyị nị, avọọ ụ mẹ yị yà pooro, pooro zịna-zịna nị.

Ahẹ Ụgama 97:4

Etohweyi anị ọ mẹ ka ẹhẹ ò hweyi nị, anẹhẹ mè re e, angwa ô hi wa, ẹ yaa dá ẹgahị nị.

Ayịsaya 37:17

Ẹnẹyịmavara, re ịsị aa mẹẹ tu yị booro aanị, wụ̀ avaba ụhụ ọnị Isenakeribi aa kụ̀ ẹwụ Ohomorihi ana yara aanị.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 40:15

Ẹnẹyịmavara vene re avaba anẹhẹ ka ẹ yị nyị ịsị ẹ vị. Ẹ yị huni atẹ orihi ụpọnya ini ibokiti; Avaba ẹkụra ene enyi kara vị ana hẹrẹ eyi anị anka edudu ịrẹsụ ịngọ avọọ.

Ayịsaya 40:28

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 65:16

Ọza tụra ọza ene èe sị̀ ka ọnị ọ̀ mẹ̀ aduwa ịnị ẹtẹ ọnọnị, vị ana vaa sị ịrẹha Ẹnẹyịmavara Ohomorihii mẹ̀ ẹ. Ịrẹha Ẹnẹyịmavara Ohomorihi, ọzọza kụkụ vaa sịị hị́ eku ịnị ẹtẹ ọnọnị nị.

Ijeremaya 23:36

Asị ẹnịnị vana kà a ka ụtụ ọnị Ẹnẹyịmavara tụ ọnị yị, ka vị aza kụkụ vavọọ aa kà dị ẹ̀ sị sị́ ụkata yị ịrẹyị ẹngụ ẹnị ụvọta nị. Dị ẹ kụkụ sị ịrẹyị Ohomorihi ẹnịnị ana yára, Ẹnẹyịmavara Ochẹtẹẹngụ va ịrẹsụ chi nị.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 4:24

Ọnị ô ré ataba nịnị, e yee zizi, dị ẹ yaa wọrọ ọba nị.

Ijeremaya 50:46

Ịjị ụvọ oo ku Anibabironi nịnị avaba ẹhẹ vee zizi aza ee me nowu. Avaba anẹkụra ana vọ vaa wụ́ owu ẹnịnị.

Ijeremaya 51:29

Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ịdanịyẹrị 4:3

Ọ kà, ụkọrọ ohyozirenu oni Ohomorihi sị zụ ẹnị ộ da banyị kẹnẹ. Ụkọrọ ịvọpa anị ộ banyị. Ọ kà, Ohomorihi ọ vị ohinọyị ana vaa mẹ ịjọva pooro nị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Ịdanịyẹrị 6:27

Ọ kà, Ohomorihi ọnọọ ọọ̄ dọ ọzaa há hụụnị avaba ịrẹyị odivi nị. Ọnị ọọ̄ mẹ̀ ịvọpa ọnịrị ịtọmatapa ẹbẹẹba ọnịrị ịnị ẹhẹ nị. Ọnị ọnọọ ọ dọ Ịdanịyẹrị há ka asị idu nịnị zụ wụ ọ nị.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Imika 1:4

Ịjọnọọ, dị ataba nā ahẹtẹ anị anka ụsụ ana yà ịnị ịra avọọ; dị ẹ yaa va hi ẹte hi inoze anka enyi ene ee sii chi ataba avọọ nị.

Ịnahụmị 1:5

Ẹnẹyịmavara òọ kana eyi kẹnẹ, dị ataba nịnị ee ziizi; dị otutu nịnị nā anka ụsụ ana gụrị ịra avọọ. Dị ẹtẹ ziizi, dị ivoovo za avaba aza ene hi ịrẹsụ ẹtẹ.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ihabaku 3:10

Ataba nịnị e re Ẹnẹyịmavara, di ee ziizi, dị eguhi aa zụ́ orihi hị́ ẹtẹ. Dị ẹnyị ịnị oku aa da gụgụrụgụ.

Ihabaku 3:6

Ẹnẹyịmavara ọ̀ọ jẹẹ kẹnẹ dị ẹtẹ e ziizi. Ọ̀ọ kana eyi kẹnẹ, dị ivoovo sị aza za, dị ataba ana jẹẹ hụrẹ ụmọrụmọ aa gara rugurugu va hi ẹtẹ. Ama Ohomorihi ẹ yị maa vara.

Ịmarakayị 3:2

Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Anihiburu 10:31

Ọza ọ̀ọ hyẹdụ ne ngụ ịnị ụvọ Ohomorihi ana yára, ọza ọnọọ ọ sị dà.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ọdọvịdị 5:4

Ẹnẹyịmavara ụ̀ụ mẹ hụrị Ịsẹyị, ịjị ụ jịnẹ tụ́ ẹhẹ ịnị ẹtẹ Edomi, dị avaba ẹtẹ ziizi, di orihi zụ nị. Ịzẹyịza, dị orihi va hi ẹtẹ nị. Anati

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.