Ijeremaya 1:9 - IWE ỌNỊNỊ

⁹ Ọ kà, dị Ẹnẹyịmavara sị ụvọ kanyị ọnị irenu, dị ọ kà a yị ọnị ka, re, ịrẹyị anị ọnị ọnị vaa kà ọnị sị tụ ọnị irenu aanị nị.

Ijeremaya 1:9 Iomraidhean Croise

Ayịsaya 49:2

Ộ mẹ ka ịrarẹ amị ọ rẹ anka ụhwọ ọ́za, a vị ọpa. Ẹnẹyịmavara ộ sị mị tẹ tụ ịnị ivoku anị.

Ayịsaya 50:4

Ayịsaya ka, Ẹnẹyịmavara ọga ộ raà sị ịrẹyị zụ ọnị agụvị ọnị ọ yara tụ ọza ọnị ọ ngụ ẹngụ ọtụtụrụma. Ẹnẹnẹnẹ ọọ̄ mẹ̀ ka ọnị ọ kụ ẹngụ hi ọyị kọsẹ ịrẹyị ana aa sị zụ ọnị nị.

Ayịsaya 51:16

Ọnị ộ gana ẹbẹẹba ku, dị ọnị sị eteesu hi ẹtẹ nị. A ka yị Ijerusarẹmị ka ọnị ọ nyị aza ene hi ịzọọ nị. Ọnị vee sere wa, dị ọnị sị wa tẹ ịnị ivoku anị.

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Ijeremaya 15:19

Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ijeremaya 34:6

Ijeremaya ka dị ọnị vavọọ na ka ụtụ ọnọnị yị ohinọyị Ịzẹdẹkaya, Ijerusarẹmị nị.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 5:14

Ijeremaya ka, agụvị avọọ, dị Ẹnẹyịmavara Ohomorihi Ochẹtẹẹngụ va kà a yị ọnị ka, agụvị ẹngụ ịrẹyị ọnị aza ẹnẹnị aa kà aanị, ọnị vaa mẹ ka avaba ịrẹyị anị ọnị ọnị Ijeremaya vaa ka ọ̀ sị mẹẹ anka ịra avọọ, dị aza ẹnịnị ẹnị ẹ̀ sị mẹẹ anka ọkụ avọọ, dị ịra ọ̀ rị wa ịra va ha.

Ezikẹẹrị 3:10

Ohomorihi ộ varẹma kà a tụ ọ yị ọnị ọnị Ohomorihi aa kà a yị ọnị, dị ọnị ọ̀ sị tụ ịnị ayị o.

Ịdanịyẹrị 10:10

Kẹnẹ dị ọza ịnya vana sị ụvọ gẹ ọnị nị. Dị ọnị sị ụvọta ọnịrị idinku ka ẹtẹ dị ọnị aa dọ ẹgahị nị.

Ịdanịyẹrị 10:16

Dị ịsa ọnya ana sị mẹẹ anka ọza avọọ va sị ụvọ kanyị ọnị irenu nị. Dị ọnị ha irenu dị ọnị kà a yị ọza ana jẹẹ ọvịdị anị aanị ka, ọga, ẹtẹ ọnị ọnị re aanị ọ raa mẹ ka ọ̀ ngụ ọnị ẹngụ, ọnị ẹ yị kụkụ nyị ụkata vụrụ-vụrụ.

Ịrịka 23:5

Dị Ẹnẹyịmavara kà yị Ịbaraamị ịsị ọ vaa ka yị Ịbarakị, dị ọ ka ò nee tu ọ nị.

Imatiwu 10:19

Ịhị àa hị́ wụ nịnị ịrẹka, asị u ne roo tịtẹ nịnị ka u mè vee tụ́ ohi, à vị ka sị ụ vaa kà kẹ! Ịjị ụmẹ òo si tù, ịsị àa vọrọ ka wa kà nịnị, a vaa sị zụ̀ wụ nịnị.

Ịmaakị 7:33

Ijeesu ộ sị ọza ọnọọ hụụnị akakana aza nọ oboka ọnya. Dị ọ jị igege ngwọ ọ ụtọ, dị ọ rẹ jị atẹ hi ụvọ, dị ọ sị kanyị ọọ ịrarẹ nị;

Iruuku 12:12

Ịjị ụmẹ òo si tù, Ụhwẹ Ọnịnị vaa sịị zụ̀ wụ nịnị ịrẹyị ana a vọrọ ka wa kà nịnị.”

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Iwe Ọhụhị Imosiisi ana aa hị́ Ọyịvatụrọda 18:16

Ịsa ọnị ụ họ̀ use anị ịnị ụvọ Ẹnẹyịmavara Ohomorihi awụ nịnị ịhị ọnọọ ịnị ataba Ịhọrẹbị ụ mẹ̀ kụ gụ nịnị yị. Wâ da ịpẹ ịhị ọnọọ ka, “Aarịhịnị, me yi kuku sì ka ma wụ́ ịrẹyị ọnọnị; me yi sì ka me kuku re ịra anaa za giri-giri anị, ka, ẹ̀ẹ vị avọọ mi ve wusu.”

Iwe Ọhụhị Imosiisi ana aa hị́ Ọyịvatụrọda 18:17

Ọnị ọ mẹ ka Ẹnẹyịmavara ọ̀ kà a mị ka, “ịsị ene zoza ẹ kà aanị nị.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.