Ijeremaya 1:5 - IWE ỌNỊNỊ

⁵ dị a va yẹ ka ee zyẹẹ aanị ọnị ộ yẹ ọnị, dị a va yẹ ka aa ma ọnị ọnị Ẹnẹyịmavara hụrẹ nyị ọnị ka ọnị vaa vị ọnịsẹ anị yị anẹhẹ nị.

Ijeremaya 1:5 Iomraidhean Croise

Ahẹ Ụgama 139:15

A màa mẹ ẹchụkụ amị, dị a tangwa vavọọ kụ́ wa gẹ ẹngụ tụ́ ịnị ịnẹ ọnyị amị, ẹ yị nyị ọnị wẹ̀ yị yẹ ịnị anị. Wê re mị m mẹ̀ tangwa yà ịzọọ dị maa hụ.

Ahẹ Ụgama 139:16

Ịjị wèe yị hyakụ mẹ ọchị ẹngụ amị eyi awụ vi ene èe ne re mị. Avaba ẹkụhị ọnị mị vaa mẹ ịnị ẹhẹ vị ọnị ụ chẹrẹ tụ́ ini iwe awụ dị a hyakụ va ma mị.

Ọyịkụra 33:12

Ẹkụhị ọnya di Imosiisi va kà a yị Ẹnẹyịmavara dị ọ ka, “Ụ ka ma kụ́ aza ẹnẹnị dị yaa na, ama wệ yị va kà a mị ọza ọnị ụ vaa tụ́ ka ò pe mi kụ́ wa na. Ụ rẹ ka wâ yẹ mị ẹtẹẹtẹrẹ, ka ebira amị ô zee wu eyi.

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ayịsaya 44:2

Ẹmị a vị Ẹnẹyịmavara ana tụ́ wụ nịnị nị; hụrẹ ụmẹ ana a sị ma wụ, m maa gụ wụ ụvọ nị. Asị ụ hí angwa; ezi ahụ amị ụ vị nịnị nị, ẹma nyị wụ nịnị mẹ aza amị, dị mị sì ịrẹyị awụ nịnị nị.”

Ayịsaya 49:1

Sị ụtọ pe ẹtẹ ẹwụ nịnị anẹkụra ana ra utenyi. Batọ ẹwụ nịnị anẹkụra aha ene noze. Ẹnẹyịmavara ộ sị mị nyị dị a va yẹ ka â ma mị. Ịnị ịhị ozi ọnyị amị mị ya dị ọ sị ịrẹha yị mị nị.

Ayịsaya 49:5

Dị a va ma mị Ẹnẹyịmavara nyị mị nị; ộ mẹ̀ mị ozi ahụ anị ọnị ọ ka ọ kụ aza anị Isirẹrị ana gara hi ẹhẹ varẹma vẹ. Ẹnẹyịmavara ộ raà sị mị tụ ẹbẹẹba, dị ọ sị ụkata yị mị nị.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 1:4

Ijeremaya ka, Ẹnẹyịmavara ộ kà a yị ọnị ka,

Ijeremaya 20:15

Oo du ọza ana va kà ụtụ yị ada anị ka ọ́ sị ozi ọnọrụ maa kù.

Ijeremaya 25:13

Ẹnẹyịmavara kà avaba ẹngụkata odivi ọnị ọnị wo oto ka ọnị vaa kụụ tu ẹkụra ẹnẹnị ịnị ịrẹyị ọnị ọnị ka yị Ijeremaya avọọ, ọnị vaa sị sị ụyaa rị Ịbabịrọnị nị. Á mẹ chẹrẹ ẹ tụ ịnị iwe gẹdẹ-gẹdẹ avọọ ọnị vaa mẹ̀ ẹ nị.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Iruuku 1:41

Érizabẹẹtị mẹ̀ wụ́ ka Imeri ộ kụ́ ọnị, di ozi ana yà ịnị ịnẹ Erizabẹẹtị henyi nị, dị Ụhwẹ Ọnịnị dọ avaba ayị Erizabẹẹtị nị.

Iruuku 1:76

Ẹwụ ozi emi, ọnịsẹ Ohomorihi ana yà ẹbẹẹba keekere a vaa hị́ wụ nị. Ẹwa vaa dọ ọvịdị Ananyị yị, di u we ne tenyi oze tịtẹ zí ọọ nị;

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

1 Anịkọrịntị 8:3

Ama ọza ene èe sì ịrẹyị Ohomorihi, ọnị Óhomorihi yẹ nị

Anẹhwẹsọsị 1:22

Ohomorihi ọ raà kụ́ avaba ịsa ve hi agada Ijeesu ka ọ̀ vị ohirẹsụ ẹnịnị. Ọ rẹ mẹ ka Ikirisiti ana nyị avaba ịsa ọ̀ vị ohirẹsụ anịragụ anị bẹẹ.