Ijeremaya 1:16 - IWE ỌNỊNỊ

¹⁶ Ọ kà ọnị vaa mẹ̀ ọkarẹyị yị wa agụvị ebira odivi ẹnịnị ana mẹ ka ẹnịnị è yị ọnị tịtẹ. Ẹnịnị ẹ naa rị eturare ịra yị ori nịnị, dị ẹ yaa hẹkẹ ịsị ọnị ẹnị ụvọta sị ụvọ ẹnịnị mẹ nị.

Ijeremaya 1:16 Iomraidhean Croise

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

2 Ịtọpa 28:2

Ộ saasa ebira odivi ohinọyị Anisirẹrị nịnị nị. Ộ sị enyusẹ tụ́ ịsa ene vene ori ana a hị́ Ịbaarị.

2 Ịtọpa 34:25

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ịtọpa 7:19

Ama Isoromọnị ọnịrị aza anị ẹ̀ẹ na sị ahụ jịnẹ ọda anị ọnị ọnị raà sị yi wa, dị ẹ na hẹkẹ ori nịnị,

Ayịsaya 2:8

Avaba ẹtẹ ẹnịnị vị ori-ori. Ịsa ọnị ẹ sị ụvọ ẹnịnị mẹ di e re yee kú ẹtẹẹ kụ́ ọ. Mị ka eyee kú ẹtẹẹ kụ́ ịsị ẹ sị igege ẹnịnị mẹ.

Ayịsaya 37:19

Ộ rị avaba ori ẹnịnị ịra va ha. Ẹ yị nyị ịsị ori anẹkụra ẹnẹẹ vị. Uyi ana aza sị ọchị ọnịrị ịrẹta mẹ̀ ẹ vị nị.

Ayịsaya 44:15

Ọza ọ zụ da hụụnị anị dị ọ sị kà ịra, dị ọ rẹ dà hụụnị anị dị ọ sị bẹ ori jẹẹ. Ọ zụ da a kà ịra, dị aa wà a, dị ọ rẹ yà ịnị anị mẹ̀ ịsa rị. Dị ọ sị ana vọ bẹ ori jẹẹ dị aa hẹkẹ ẹ.

Ayịsaya 65:3

Ụhị́ ẹ yị ma nyị wa, vị ẹẹ̄ mẹ ayịị kụ́ mị nị. Ẹnịnị vị anaā mẹ̀ ịsọvọ hi ori ịnị ụbazị ẹnẹ dà yị ori, dị ẹyaa rị eturare ịra ịrẹsụ ụta ana a dà yị ori.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 10:3

Ahẹkẹ ịyẹyẹ aza ẹnẹnị aa mẹ nị. Ẹẹ na dà ọchị hụụnị iruku, dị ẹẹ bẹ ẹ.

Ijeremaya 11:12

Ịjọnọọ Anijuda ẹnịrị Anijerusarẹmị vị anaa hị́ ori ẹnẹ ẹ yaa mẹ̀ ịsọvọ yị ka ẹ̀ gụ ẹnị ụvọ, ama ori ẹnẹẹ ẹ yị va zụụ dọ wa ha ịjị ẹngụkata oo tu wa.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 16:11

Ịjọnọọ dị Ijeremaya ọ̀ kà a yị wa ka, Ẹnẹyịmavara kà, ohiku ẹnịnị ệ va ịrẹma anị naa hẹkẹ ori nịnị, dị ẹyaa kụ ụ yị wa nị. Ẹnịnị ệ và ịrẹma anị saka-saka ẹ́ yị saasa ọda nị.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 4:12

Ahị ọnọọ vaa nyị ụkata ẹtẹẹtẹrẹ. Ẹnẹyịmavara ọ vaa tụ ọ nị. Ẹnẹyịmavara ụvọta aa mẹ̀ ọkarẹyị yị aza anị nị.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ijeremaya 51:17

Ọsọnị aza eē re kẹnẹ, dị ẹ si vara ọnụra ẹnẹ ẹ̀ yị yẹ ịrẹyị vụrụ-vụrụ nị. Aza ana mẹ ori vị ẹnẹ ẹ̀ yị yẹ ịsị ẹyaa mẹ, agụvị ka ori ẹnẹ ẹ mẹ vị apẹ osusu; ẹnịnị ẹ́ yị nyị ụhwẹ.

Ijeremaya 7:17

Ọ kà, aanị ka ọnị e yi re ịsị aza ẹnẹnị aa mẹ avaba ẹkụra ene hi Ijuda ọnịrị avaba oze ene hi Ijerusarẹmị?

Ijeremaya 7:18

Ezweyi ẹẹ na tọ ọkụ gụ, dị ada ẹnịnị sị ka ịra, dị anyẹnẹẹ ẹnịnị po ayị dị ẹ sị jị akara yị ịsị ẹ ka ọọ vị ohinọyị anyẹnẹẹ ana ya ẹbẹẹba. Ẹnịnị ẹẹ rẹ sị ehe dị ẹ sị mẹ̀ ịsọvọ yị ori nịnị ọyị mẹ ayị kụ ọnị.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 16:18

Awuru ana a mẹ̀ ụkọrọ hi ọnị ọnị sị yị wụ vị ọnị ụ sị chire sì e vene ọza ọnị u mẹ jẹẹ, dị waa sị angwẹ orivi ọnịrị eturare ọnị ọnị sị yị wụụ mẹ ịsọvọọ yị wa nị.

Ezikẹẹrị 24:14

Ọnị Ẹnẹyịmavara Ananyị ụkata hu ọ sị ịrẹyị anị ka, o si tu ka ọnị ọ̀ mẹ ịsị ọnị ka ọnị aa mẹ, ọnị ẹ́ yị va sị eyi hụụnị ebira odivi ọnị ụ mẹ nịnị; ọnị ẹ́ yị vaa vayị awụ nịnị. Ọnị vaa sị avaba ụya ịsị ọnị ụ mẹẹ rị wụ nịnị.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Odeyi 7:41

Ịjọnọọ dị ẹ mẹ ori ọnya anka ozi imaaru avọọ, dị ẹyaa mẹ ịsọvọọ hi ọọ, dị ẹyaa rị eche ịsị ẹ rẹ sị ụvọ ẹnịnị mẹ nị.

Iwe Ọhụhị Imosiisi ana aa hị́ Ọyịvatụrọda 28:20

Wèe yi Ẹnẹyịmavara tịtẹ, dị ụ waa me ịsa odivi nị, Ẹnẹyịmavara vaa kụ ẹngụkata odivii tu wụ, dị ọ và ẹhẹ awụ zi. Ẹngụkata u vee re ịnị avaba ịsị ụ wàa mẹ nị.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Ijosuwa 24:20

Ẹnịnị èe yi Ẹnẹyịmavara, dị ẹ naa hẹkẹ ori ọzọga nịnị nị, ọnị vaa vara eyi ịrazị tu wa, dị ọnị sị ụya rị wa, dị ọnị wụ̀ wa, ịrẹma ọyịza ọnị ọnị vịdị mẹ̀ yị wa.

Ẹtore 9:20

Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.