2 Ịsamụwẹrị 5:9 - IWE ỌNỊNỊ

⁹ Idevidi mẹ̀ raà sị ịrẹkụ rị aha oni isoja tẹ, di ọ kụkụ ra ịzọọ, dị ọ hị́ ịzọọ “Ẹkụra Idevidi.” Dị Idevidi jị ọvọ kara ẹkụra ọnọọ dị ọ dà irehi ịzị isojaā tẹ̀ hi ịnị anị nị.

2 Ịsamụwẹrị 5:9 Iomraidhean Croise

2 Ịsamụwẹrị 5:7

Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

2 Ịsamụwẹrị 5:8

Ịhị oni Idevidi maanị kụ́ ịrẹkụ na rị aanị, dị ọ ka ọza ana àa wụ Anijebusi, ọ̀ tụ́ wa ụvọ wọrọ ọba ịzị enyi eē zii sìi hi ẹtẹ. Ọ kà ẹẹmẹ ẹnẹẹ ana sị mẹẹ ogu eyi ọnịrị oswahụ avọọ vị ọnị ọnị Idevidi nyị ịhyẹrẹ anị. Agụvị avọọ a sịị̄ kà a ka, “Ogu eyi ọnịrị oswahụ ẹ yị vaa ngụ ini irehi Ẹnẹyịmavara.”

2 Ịsamụwẹrị 6:10

O yi si ka ọnị ọ̀ sị Apoti Ẹnẹyịmavara ne pè ẹngụ tụ́ ịda anị ịnị Ẹkụra Idevidi. Di Idevidi sị Apoti ọnọọ, dị ọ sị ọ há zi oze ini eehi ọnọrụ ana aā hị́ Ọbẹdị Edomi ana vi Anigati, dị ọ sị́ ọ na tụ́ ịzọọ nị.

1 Ohinọyị 11:27

Ịrẹyị oni Ijerobowami sị kwẹẹtẹ tù Isoromọnị yị. Ịnị ụmẹ ọnya Isoromọnị ô dà ẹkụra ana aā hị́ Imiro, di o tenyi ẹkụra Idevidi ada anị ene du nị.

1 Ohinọyị 2:10

Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.

1 Ohinọyị 9:15

Isoromọnị ộ dà irehi Ẹnẹyịmavara ọnịrị irehi anị ụvọta. Ọ rẹ dà ẹkụra ana aā hị́ Imiro, dị ọ rẹ tụra ọvọ Ijerusarẹmị nị. Ọ rẹ dà ẹkụra ana aā hị́ Ihazori ọnịrị Imegido ne chire Ịgẹzẹrị. Avaba ụkọrọ ẹnịnị vị oni Isoromọnị ohinọyị sị ụkata za aza ka ẹ̀ na mẹ̀ ẹ.

1 Ohinọyị 9:24

Ịjị ozi Ihwarawo ana vị ọnẹẹ sị hụrẹ ẹkụra Idevidi, dị ọ zị nọ ini irehi oni Idevidi dà yọ, di Idevidi va na dà ẹkụra Imiro nị.

2 Ohinọyị 12:20

Aza enee pe e mẹ̀ ụkọrọ ệ gẹ eyi anị, dị ẹ wụ̀ ọ tụ aha ọnya aanị ana aā hị́ Imiro nị. Ịzọọ vị ana ya oze anaa nọ ẹkụra ana aā hị́ Isira.

2 Ohinọyị 12:21

Ezi ahụ anị ana aā hị́ Ijozaka ozi Isimeyati ọnịrị Ijehozabadi ozi Isomeri ẹ wụ ọ nị. Ê ne e pe ohiku anị nịnị ẹkụra Idevidi; dị ozi anị Amaziya rị ohinọyị dọ ọ ịrẹsụ nị.

1 Ịtọpa 11:8

Idevidi ộ jị ọvọ kara avaba ẹkụra ọnọọ hụrị ịzị aā hị́ Imiro, dị Ijowabi ọnị tenyi avaba ịzị ẹ vọ ịnị ẹkụra ọnọọ nị.

2 Ịtọpa 32:5

Dị ohinọyị Ihezekaya tenyi avaba ịzị ọvọ ya wu, dị ọ dà irehi ọgọdọ rụrụ ana va ẹkụra chire nị. Ịrẹma ẹnẹnị dị ọ tụra ọvọ ọsa kara ana vịdị jẹẹ, dị ọ rẹ tenyi aha ana va sị ụkata yị ẹkụra eyi ịzị ọyị hụrẹ vẹ ịnị Ijerusarẹmị ọkụkụ. Ộ rẹ mẹ ọda ka ê tu ọha ọnịrị ogonto rụrụ hi ẹtẹ.

Inehemaya 3:15

Isarumi ozi Ikori-Ihoze ana vị ohinọyị Imizipa ô tenyi oze ọbanyị ana a hị́ adagu enyi. Ô gu ọ utu, dị ọ kụ ukere chire e, dị ọ kụ ẹza ọnịrị ọchị ojoze hi wa nị. Dị ọ tụra ọvọ ne tu ịzị aa hị́ imisi Isera ana gụrị ụbazị ohinọyị. Dị ọ tụra a na ngụ ịzị a jị ode hi chi na ngụ ẹkụra Idevidi nị.

Ahẹ Ụgama 122:3

Ijerusarẹmị vị ana a dà, di o zoza, dị ịsa ọzọza yà aha anị tee-tee.

Ayịsaya 29:1

Wa sị dà ẹwụ nịnị anẹkụra Ariyeri. Ẹwụ nịnị Anariyẹrị ịzị Idevidi vịdị ra, mị ka wa sị dà nịnị. Òo zee wu nini eyi wa rịị rị eche awụ nịnị ịrayị-ịrayị.

Ọdọvịdị 9:20

Ama ẹ yị vị avọọ ya, ẹngụkata ọ vaa vị yị Abimẹrẹkị ọnịrị Anịsẹkẹmị neberi Anịbẹtị-Imiro. Ịra e vee si vu ẹngụ ẹtẹ nị.

Ọdọvịdị 9:6

Ịjị Abimẹrẹkị vavọọ sị adẹnyara anị ẹnẹẹ wụ̀, dị avaba ọdọvịdị Anịsẹkẹmị ẹnịrị Anịbẹtị Imiro kụ ẹngụ gụ, dị ẹ sị Abimẹrẹkị rị ohinọyị iruvo ọchị ooki ọnya ana ya Ịsẹkẹmị nị.