2 Ịsamụwẹrị 4:2 - IWE ỌNỊNỊ

² Isibọsẹtị ộ nyị aza ẹnị ẹẹva anaā kụ́ azaa kú ẹngụ, dị ẹ kụ́ ịrẹkụ na wụ̀ aza. Ọnya ịnị ẹnịnị ọ rị Ibaana, dị ọsa rị Ịrakabị nị. Ẹnịnị vi ezi Irimoni ana vi ịrẹsụ Anịbẹnjamịnị ana ra Ịbẹẹrọtị.

2 Ịsamụwẹrị 4:2 Iomraidhean Croise

2 Ịsamụwẹrị 23:37

Ịzẹrẹkị Anamọnị, Inaharayi Anịbẹẹrọtị anaā za ẹnya ịrẹkụ Ijowabi ana vị ozi Izeruya.

2 Ịsamụwẹrị 3:22

Abịna mé yi si hu kẹnẹ di aza Idevidi ọnịrị Ijowabi va hụrẹ ịzị ẹ na kụ̀ ịrẹkụ aa vẹ nị. Ẹ màa vẹ, ệ hara ogu ẹnị ẹ kú éyi ịrẹkụ vẹ ẹtẹẹtẹrẹ. Ama Abịna ọ yị kụkụ yi ịda Idevidi Íhebirọnị. Idevidi ọ sị ọ kà ka ọ̀ọ na. O si hu, ẹ yị nyị ịsị ẹ mẹ̀ ẹ.

2 Ịsamụwẹrị 4:5

Ẹkụhị ọnya, dị Irekabi ọnịrị Ibaana ezi Irimoni ana vị Anịbẹẹrọtị si hu aa nọ ini eehi Isibọsẹtị nị. Dị ahịka ụmẹ ọọdụ gaaga ẹ sị na ngụ ịzọọ nị. É mè tù ịzọọ, di e ne tù ka Isibọsẹtị hụtụ aa kụ́ areyi ọọdụ nị.

2 Ịsamụwẹrị 4:9

Di Idevidi vạ ohi yị wa dị ọ ka, “Ma sị Ẹnẹyịmavara ana dọ mị há hụụnị avaba akanya hị́ eku.

2 Ohinọyị 5:2

 nyị ụmẹ ọnya ọnị Anisiriya nịnị sị nọ ịrẹkụ. Ẹnịnị ẹ za ozi ọnẹẹ ọnya hụrẹ ẹtẹ Isirẹrị, dị ozi ọnẹẹ ọnọọ vana vị ozi ahụ ose Ịnaamanị nị.

2 Ohinọyị 6:23

Ịzẹyịza, dị ohinọyị Ísirẹrị mẹ̀ ịsa yị wa nị. Ịjị ẹ sị ịsa rị, di e si hú, dị ọ ka ẹẹ ka ọga ẹnịnịị na nị. Hụrị ịhị ọnọọ, Anisiriya nịnị ẹ yị vana vẹ Isirẹrị va kụ ịrẹkụ.

Ijosuwa 18:25

Ịrẹha ẹkụra ẹsa ana ya ịnị ẹtẹ ọnọọ ẹ vị Igibiyọnị, Iraama, Ịbẹẹrọtị,

Ijosuwa 18:26

Imizipe, Chehwira Imoza,

Ijosuwa 9:17

Ịzẹyịza, Anisirẹrị nịnị mẹ̀ kwẹẹtẹ hụrị ịzị ệ kụ́ udi tụ́ ịhyẹgwẹta dị ẹ ngụ ẹkụra ẹbanyị-ẹbanyị ọnị aza ẹnẹẹ ra nị. Ẹkụra ẹnẹẹ ẹ vị Igibiyọnị, Chehwira, Ịbẹẹrọtị ọnịrị Ikiriyati-Ijeyarimi.