1 Ịsamụwẹrị 9:3 - IWE ỌNỊNỊ

³ Ikisi ada Ịsọọrụ ộ nyị ịkẹrịkẹtẹ ẹnyị aanị ene vu. Dị Ikisi va hị́ Ịsọọrụ dị ọ ka ọ̀ sị ozida ẹnịnị ọnya tụra ẹngụ di è ne sì ịkẹrịkẹtẹ ẹnẹẹ vẹ.

1 Ịsamụwẹrị 9:3 Iomraidhean Croise

Ọdọvịdị 10:4

Ịjarị ộ ma ezi anọrụ ohurẹẹwụ, dị ẹ nyị ịkẹrịkẹtẹ ohurẹẹwụ ẹnị ẹẹ̄ tụra nị. Ẹnịnị ẹ rẹ nyị ẹkụra ohurẹẹwụ tụ ẹtẹ Igiriyadi. Ẹkụra ẹnẹẹ aa hị́ ẹkụra Ịjarị pooro tu ajịnị nị.

Ọdọvịdị 5:10

Ẹwụ nịnị ana tụra ịkẹrịkẹtẹ ọnịrị ẹwụ nịnị ana yaatẹ ịrẹsụ achị beri ẹwụ nịnị ana aa na oze wee ro o.

1 Ịsamụwẹrị 10:14

 nyị ọyịnyara ada Ịsọọrụ ọnya aanị ene re e ịzọọ. Dị ọ họ̀ Ịsọọrụ ọnịrị ozida ọnị ọnịrị zị ụsẹ, dị ọ ka ịzị ẹ maanị yà hụrẹ ịhyọọ? Dị Ịsọọrụ ka ịkẹrịkẹtẹ ene vu eni ee sì nọ. Dị ọ ka ịjị ọnị è yi re wa, dị ẹnị va nọ ịda Ịsamụwẹrị nị.

1 Ịsamụwẹrị 10:2

Dị Ịsamụwẹrị rẹ ka Ịsọọrụ ọ̀ sị hụụ ịda anị ajịnị, ọ va naa gẹrị aza ẹnị ẹẹva ọgụrị ikuta Irechẹrị ana yà Izeriza. Ịzọọ vị ana yà ụtọ ẹtẹ Ịbẹnjamịnị. Ọ kà aza ẹnẹẹ vaa kà a yị Ịsọọrụ ka a sị ịkẹrịkẹtẹ eni e nee sì re. Ọ kà ẹ rẹ vaa kà a yọ ka ada anị o yi kuku ro ịrẹyị ịkẹrịkẹtẹ ẹnẹẹ, ama ịrẹyị Ịsọọrụ nịnị ọ kụkụ jị ọ areyi nị.

1 Ịsamụwẹrị 9:2

Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.

1 Ịsamụwẹrị 9:20

Dị Ịsamụwẹrị rẹ ka asị o kuku ro ịrẹyị ịkẹrịkẹtẹ ẹnẹẹ ene vu ajịnọgwẹẹta, ka a sị wa re. Dị Ịsamụwẹrị ka Ịsọọrụ ọ́ọ́ yẹ ka ọnị aneehi ada anị Anisirẹrị maanị ee sì nị?

1 Ịsamụwẹrị 9:4

Ịzẹyịza dị ẹ kwẹẹtẹ dị ẹ zị oze ẹkụra Ehwireemi ana yà ịnị ataba, dị ẹ vavọọ zị ọ na ngụ okokooro ịzị aā hị́ Isarisa nị. Ẹnịnị e yi re ịkẹrịkẹtẹ ẹnẹẹ. Dị ẹnịnị na, dị ẹ rẹ nọ ịnị ẹtẹ Ịsọọrụ nịnị rẹ zi oze ẹtẹ Anịbẹnjamịnị na para hu nị, di è yi rị re ịkẹrịkẹtẹ ẹnẹẹ nị.