1 Ịsamụwẹrị 8:3 - IWE ỌNỊNỊ

³ Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.

1 Ịsamụwẹrị 8:3 Iomraidhean Croise

2 Ịsamụwẹrị 15:4

Dị ọ rẹ ka, “Aa yẹ à nyị mị ka maa mẹ̀ ọkarẹyị ịnị ẹtẹ ọnọnị. Avaba aza ana àa nyị ịrẹyị vi ana yaanị ee vee tù mị. Ịrẹyị ọzọza ọ̀ọ mẹmẹ zị kẹnẹ mị yaanị kà a nị.”

Ahẹ Ụgama 15:5

Ẹnịnị ẹ̀ẹ sị ẹkẹhị rere ọza ẹ yị mā dọ ọtụrọsa. Ẹ yị mā rẹ dọ ochirerenu ka ẹnị ẹ̀ sị jị ịvị yị ọza ana rị ịhị. Aza ệ vavọọ aa mẹ ẹngụ ebira ẹnẹẹ ẹ yị nyị ịsị ẹ vaa mẹ wa paa.

Ahẹ Ụgama 26:10

Aza ẹnẹẹ vị ana aā mẹ ariro edivi-edivi dị ẹ rẹ yaa dọ ochirerenu.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ọyịkụra 23:6

Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye.

Ọyịkụra 23:8

Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza.

Ịrẹyị Ọzwọzịsa 2:19

Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 33:15

Ẹngụ aza ana vaa jẹẹ ẹ vị aza ana ahịka ẹẹ̄ mẹ̀ ebira ana vọrọ, dị ẹ rẹẹ̄ kà ịrẹyị ana vọrọ nị. Ẹngụ aza ẹnẹẹ ẹ ma bẹ ụvọ tụ́ ịnị ịsa ana a sị ụkata-ụkata dọ ọza. Ẹnịnị ẹ mā rẹ dọ ochirerenu. Aza àa gẹ eyi ka à na wụ̀ ọza, ẹ mā rẹ bẹ ụvọ tụ́ ọ. Ẹnịnị ẹ mā bẹ tụ́ ịnị ịsa odivi ọnyọọnyị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

1 Ịsamụwẹrị 12:2

Wa sị ohinọyị nyị nịnị booro aanị ana vaa vị ọdọvịdị awụ nịnị. Wâ yẹ ka eme si bo, ịrẹsụ amị kụkụ vị ẹwa-ẹwa. Ezi emi u wee re nịnị aanị nị. Ozweyi mị vị dị mị hụrẹ vị ọdọvịdị awụ nịnị pooro ve tù ajịnị nị.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.