1 Ịsamụwẹrị 7:3 - IWE ỌNỊNỊ

³ Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.

1 Ịsamụwẹrị 7:3 Iomraidhean Croise

Oyinyima 35:2

Di Ijekọvụ va hị́ anineehi anị ọnịrị avaba aza ana yà pè e dị ọ ka, “Ori ẹnị ẹẹ nyị ẹ kụ́ ọ kwooze. Ọ kà ọ̀ nyịna ẹngụ ẹnịnị dị ẹ̀ vara ịta ẹnịnị;

1 Ohinọyị 11:33

Ọ kà ọnị ộ vavọọ mẹ agụvị ka ẹnịnị ẹ sị và ị́rẹma anị, e kuku ee kú ẹtẹ yị Asẹra ori Anisidoni ọnịrị Ikimosi ori Animowabi. E re yee kú ẹtẹ yị Imirikomi ori Anamọnị. Ọ kà ẹnịnị ẹ yị zị ụsẹ ini oze anị, ẹnịnị ẹ yị mẹ̀ ebira ana vọrọ ini eyi anị. Ẹnịnị ẹ yị rẹ sị eyi pè ọda ọnị ọnị mẹ anka Idevidi ada anị.

1 Ohinọyị 8:48

Ẹnịnị ẹ zụ vara ebira odivi ẹnịnị ịzẹyịza ịzị a za wa ọrịhị nọ, di e và eyi kà ẹtẹ ọnị ụ sị yi ohiku ẹnịnị ọnịrị ẹkụra ọnị ụ nyị ọnịrị irehi ọnị mị dà wụ.

2 Ohinọyị 17:39

Waa saasa ịrẹyị ẹmị Ẹnẹyịmavara Ohomorihi awụ nịnị; mị vaa dọ wụ nịnị hụrị ụvọ ọnịvị awụ nịnị.”

2 Ohinọyị 23:15

Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra.

1 Ịtọpa 22:19

Ọ kà ọyaanị, ẹnịnị ẹ̀ naa sị avaba ayị ẹnịnị ọnịrị ẹhẹ ẹnịnịị hẹkẹ Ẹnẹyịmavara Ohomorihi ẹnịnị. Ọ kà ẹnịnị è nyima ẹẹ dà irehi Ohomorihi ọnọọ booro aanị, ụvị dị ẹnịnị ẹ̀ sị apoti oto Ẹnẹyịmavara ọnịrị avaba ẹnya Ohomorihi ana vọ ana a sịị mẹ ahẹkẹ tụ́ ịnị anị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ịtọpa 19:3

Ama ẹ yị vị avaba ebira ọnị ọ mẹ o divi, â nyị ebira ọyịza ọnị ọ vịdị mẹ. Ộ kụ́ avaba ọchị ori ọnẹẹ anaā hị́ Asẹra hụụnị avaba ẹtẹ, dị ọ sị avaba ẹngụ anị a sị dụ ịrẹyị Ẹnẹyịmavara nị.

2 Ịtọpa 20:33

Avaba aha ịzị aa ya hẹkẹ ori vị ọnị ọ gara va ha. Ama aza ẹ yị sị ayị ọnyara hẹkẹ Ẹnẹyịmavara ana vị Ohomorihi ohiku ẹnịnị.

2 Ịtọpa 30:19

Ọ kà Ẹnẹyịmavara Ohomorihi ohiku ẹnịnị ọ̀ vagu avaba aza ana sị ayị ọnya hẹkẹ ẹ, ẹnẹ ẹ yị za ido.

Ụhịrẹyị 16:1

Ọyịkà vị ọza, ama ọyịmẹ̀ vị Ẹnẹyịmavara.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ezikẹẹrị 14:6

Ọ kà ọnị ọ̀ kà a yị Anisirẹrị nịnị booro aanị ịsị ọnị Ẹnẹyịmavara Ananyị ụkata hu aa kà ka: Và hụụhị ori anaa nyị ọza ịhyẹrẹ aanị, ka enyisi ọ vị nị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Imatiwu 15:8

‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Iruuku 4:8

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Ịjọọnụ 4:24

Ohomorihi vị ọza ọnị ọza ò yi zụ re. Agụvị avọọ aza ana àa hẹkẹ ẹ, â nyị ka ẹ̀ẹ sị ayị ọnya ọnịrị ịzẹyịzaa hẹkẹ ẹ.”

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.

Iwe Ọhụhị Imosiisi ana aa hị́ Ọyịvatụrọda 6:13

Hi angwa Ẹnẹyịmavara ana vị Ohomorihi awụ, dị wa hẹkẹ ẹ, dị wa sị ịrẹha kẹnẹ hị́ eku.

Ijosuwa 13:31

Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ.

Ijosuwa 24:14

Dị Ijosuwa ka yị wa ka ẹnịnị e hí angwahi Ẹnẹyịmavara dị ẹ sị ịzẹyịza saasa a ịnị ụmẹ tụra ụmẹ. Dị asị ẹnịnị kụkụ mẹ ori ọnị ohiku ẹnịnị vịdị mẹ̀ akẹnẹ Okuha Ịjọdanị ọnịrị Ijipiti.

Ijosuwa 24:23

A vị avọọ yọ, ẹnị ẹ kụ́ ori ọzọga ẹnẹẹ kwooze, di e hị́ eku ka ẹnị vaa wụ́ chire Ẹnẹyịmavara, Ohomorihi Anisirẹrị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.

Ọdọvịdị 2:11

Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị.

Ọdọvịdị 2:13

Ẹnịnị vị ana kụkụ a hẹkẹ ori ana a hị́ Ịbaarị ọnịrị Asịtọrẹtị, di e yi Ẹnẹyịmavara tịtẹ nị.

1 Ịsamụwẹrị 31:10

Dị ẹ sị awuru ịrẹkụ Ịsọọrụ ọnọọ, dị ẹ sị na tụ́ ini eehi ori ẹnịnị ana aā hị́ Asịtọrẹtị nị. Dị ẹ si oku Ịsọọrụ, dị ẹ sụ́ ọ gẹ ọvọ ana yà Ịbẹtị-Isani nị.