1 Ịsamụwẹrị 7:1 - IWE ỌNỊNỊ

¹ Ịzẹyịza dị Anikiriyati-Ijerimi na, dị ẹ na sị apoti oto Ohomorihi nị. Ẹ́ mẹ̀ sị ọ, dị ẹ sị ọ nọ ini eehi ọza ana aā hị́ Abinadabi nị. Ịda Abinadabi vị ana yà ịnị ataba. Dị a nyị ozi Abinadabi ana aā hị́ Eriyaza. Ọ sị eyi pè apoti ọnọọ nị.

1 Ịsamụwẹrị 7:1 Iomraidhean Croise

1 Ịtọpa 13:3

Ọ kà ẹnị ve nee sì apoti oto Ohomorihi ẹnịnị dị ẹnị ẹ̀ sị ọ vavẹ agụvị ka ụmẹ Ịsọọrụ vị ẹnẹ ẹnị sị eyi wụ ọ.

Ahẹ Ụgama 132:6

I mè hi Ehwirati, yâ wụ́ ịrẹyị Apoti ịrẹyị oni Ohomorihi kà tịtẹ, di i ve ne tù apoti ọnọọ Ijaari nị.

Ayịsaya 52:11

Re ka waa hụrị Ịbabịrọnị nịnị. Avaba ẹwụ nịnị anaā za ẹnya ene hi ini Irehi Ohomorihi! A sị ụ sị ụvọ kanyị ịsa ẹnẹ ẹ̀ yị nị nịnị. Jịnẹ hụụnị akakana ẹnịnị nịnị. Vara ẹngụ awụ ọnịnị.

Ijosuwa 18:14

Hụrị Ịbẹtị-Ihoroni ẹhwị ẹtẹ ọ ya zị eyi ịzị ọyịị̄ naa ngụ ẹtẹ, dị ọ jẹẹ Ikiriyati-Ijeyarimi ana vị ọnya ịnị ẹkụra Anijuda nịnị.

Ijosuwa 9:17

Ịzẹyịza, Anisirẹrị nịnị mẹ̀ kwẹẹtẹ hụrị ịzị ệ kụ́ udi tụ́ ịhyẹgwẹta dị ẹ ngụ ẹkụra ẹbanyị-ẹbanyị ọnị aza ẹnẹẹ ra nị. Ẹkụra ẹnẹẹ ẹ vị Igibiyọnị, Chehwira, Ịbẹẹrọtị ọnịrị Ikiriyati-Ijeyarimi.

1 Ịsamụwẹrị 6:21

Dị ẹ va tụ́ na hị́ Anikiriyati-Ijeyarimi dị ẹ ka, “Anihwirisiti ẹ raà sị apoti Ẹnẹyịmavara vẹ, o; vẹ dị wa va sị ọ na tụ́ ịda awụ nịnị.”

1 Ịsamụwẹrị 7:2

Apoti Ẹnẹyịmavara ộ yà Ikiriyati-Ijeyarimi kù ẹtẹẹtẹrẹ. Ộ hyakụ mẹ̀ ịrayị oohu ịzọọ. Ịnị ụmẹ ọnọọ, dị avaba Anisirẹrị ee nowu ka Ẹnẹyịmavara ọ̀ gụ ẹnị ụvọ nị.