1 Ịsamụwẹrị 6:3 - IWE ỌNỊNỊ

³ Dị ọga ori ẹnịnị ẹnẹẹ ka ẹ̀ẹ yaà sị apoti oto Ohomorihi Anisirẹrị varẹma, asị ẹ vavọọ sị ọ na kẹnẹ. Ẹ ka asị a nyị ka ẹ yị sị ịsa saasa a na ana a vaa sị naa mẹ ịsọvọọ yị Ohomorihi. Ẹ ka ẹ̀ẹ vavọọ sị ịsa saasa a na, ẹngụ ẹnịnị nịnị vaa ta. Ọnọọ vaa mẹ ka ẹ̀ yẹ iruvo ọnị Ohomorihi vịdị vavọọ sị tana ụvọ za wa.

1 Ịsamụwẹrị 6:3 Iomraidhean Croise

Ijoovu 10:2

Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ?

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

Ọyịkụra 34:20

Wàa ka wẹ yị sị ịsa dọ ọ ịrẹsụ, dị ụ wụ̀ ọ. Avaba ezi ịpaapa ana vị ọnọrụ vị ọnị ụ vaa sị ịsaa dọ ịrẹsụ. Asị a nyị ọza ana jị avọ osusu vẹ ịda amị.

Ọyịkụra 8:15

Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 6:6

Ọ vaa sị ịdẹba ọnị ịsa ẹ yị zị hụụnị ịsụpa ọrụrụ ọnị ọ pá vee tu ohirẹsụ irehi Ohomorihi. Dị ọ̀ sị mẹ̀ ịsọvọ oyi sí ụta varẹma yị Ẹnẹyịmavara. Ịsa a ka à sịị ngọ ịsa aha ọnịnị ịnị irehi Ohomorihi a vaa sị ngọ ọ dị à yẹ ọpa ọnị ọ vị nị.

Iwe Ọhụhị Imosiisi ana aa hị́ Ọyịvatụrọda 16:16

Ụpẹ ẹẹta ịnị ịrayị avaba ọnọrụ awụ nịnị vaa kụụ gụ ọ̀yị hẹkẹ Ẹnẹyịmavara Ohomorihi awụ nịnị ịzị ọ kà à yaa hẹkẹ ọnị nị. Ẹ vavọọ waraa gụ ụmẹ Eche Ọyịparahu, ụmẹ Eche ịsa ọyịkụ gụ, ọnịrị ụmẹ Eche ịnị Ajẹngụ. Ẹ yị ọza ana vaa sị ụvọ osusuu vẹ ọvịdị Ẹnẹyịmavara o.

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

1 Ịsamụwẹrị 5:7

Ịjị Anasidodi vavọọ re ka ịrẹyị ô tù ẹtẹ, dị ẹ ka ẹ yị vọrọ ka ẹnị ẹ̀ si apoti oto Ohomorihi Anisirẹrị tịtẹ pè ẹngụ. Ẹ ka ụvọ Ohomorihi aa za ẹnị ọnịrị Ịdagọnị ana vị ori ẹnịnị.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.

1 Ịsamụwẹrị 6:8

Dị ọga ori ẹnẹẹ ka ẹ̀ẹ vavọọ sị ọ mẹ, dị ẹ̀ va sị apoti Ẹnẹyịmavara tụra ịkẹkẹ ọnọọ. Dị ẹ̀ rẹ kụ́ igooru ene e tụ́ avọọ ẹnẹ ẹ yaa sị naa mẹ̀ ịsọvọ, dị ẹ̀ kụ́ ọ hi ịnị ẹnya ana yà akaha apoti ọnọọ. Ọga ori ẹnẹẹ ka ẹ̀ẹ vavọọ sị ọ mẹ, ẹ̀ sị imaaru ẹnẹẹ và tụra oze, dị ẹnị ụvọta ẹ̀ẹ na.

1 Ịsamụwẹrị 6:9

Ọga ori ẹnẹẹ ka ama Anihwirisiti nị nịnị ẹ̀ si eyi pè e ẹ màa na. Ọga ori ẹnẹẹ ka èe re ka imaaru ẹnẹẹ ệ va tụra oze ẹkụra Ịbẹtị-Isemesi dị ẹ̀ yẹ ka Ẹnẹyịmavara ọ kụ́ ụkụ odivi ẹnẹẹ ve tù ẹnị nị. Ẹ ka ama imaaru ẹnẹẹ ẹ̀ yi zi avọọ, dị ẹnị yị ka vị ụkụ vẹ kẹnẹ nị, ẹ yị vị Ẹnẹyịmavara ọ kụ́ ọ vẹ.