1 Ịsamụwẹrị 5:3 - IWE ỌNỊNỊ

³ Ẹnẹnẹ viri-viri eyinẹhẹ anị, dị Anasidodi kwẹẹtẹ dị ẹ nọ ini eehi ori ẹnịnị nị. Di e ne tù ka Ịdagọnị, ori ẹnịnị ọ sị hyẹdụ dị ọ và eyi kú ẹtẹ tụ́ ọvịdị Apoti Ẹnẹyịmavara nị. Dị ẹ sị Ịdagọnị, dị ẹ sị ọ vọrọ jẹẹ tụ́ aha anị nị.

1 Ịsamụwẹrị 5:3 Iomraidhean Croise

1 Ohinọyị 18:26

Ịzẹyịza dị ẹ sị imaaru ana a sị yị wa, dị ẹ mẹ̀ ẹ nị. Dị ẹnịnị hí Ịbaarị pooro hụrẹ ẹnẹnẹ ne tù oruva nị, ẹ yaa hí Ịbaarị, tụ́ ohi dê, ama Ịbaarị o yi zụ tụ́ ohi ọnyọọnyị. Dị ẹnịnị ee jii jịnẹ ụta ịsọvọ ẹnị ẹ mẹ nị.

Ahẹ Ụgama 115:7

Ệ nyị ụvọ, ẹ yị nyị ịsị ẹ zụ sị mẹ. Ẹ rẹ nyị ahụ, ama ẹ yị zụ sị zị ụsẹ. Ẹ yị rẹ zụ kà ịrẹyị vụrụ-vụrụ.

Ahẹ Ụgama 97:7

Avaba ọza ana aa hẹkẹ ori di e yee sii wo oto vị ọnị ụhị va nyị. Avaba ẹwụ nịnị ori òo kú ẹtẹẹ kụ́ Ẹnẹyịmavara.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 40:20

Ọza ọnị ẹ yị nyị igooru a vị isiriva sị ọchị ana vịchị ana a sị bẹ ori anị. Óo sì ọza ana yara bẹ ẹ, dị ọ̀ bẹ ẹ yọ agụvị dị ọ jẹẹ, dị asị ọ ma nya ẹtẹ.

Ayịsaya 41:7

Dị ọza ana aā bẹ ọchị ọnịrị ọza eneē tu igooru ne beri anịngẹrẹ nịnị eneē tu ọnyịnọkụmị aa tụ ẹngụ ọtụtụrụma, dị ẹ yaa kụ ẹngụ akọrọ nị. Ẹ kà ọyị sị oje kụ ọnyịnọkụmị gẹ o zoza, dị ẹẹ sị iso za a vakẹtẹ agụvị asị ọ hyẹdụ.

Ayịsaya 46:7

Ẹnịnị ẹ̀ẹ sị ọ tụra ịza, dị ẹ za a. Ệ sị ọ na tụ aha anị, dị ọ jẹẹ ịzọọ nị. Ẹ yị zụ hụrẹ aha anị. Ọza òo nowu hị́ ọ, e yi zụ tụ́ ohi. Ẹ yị zụ dọ ọza ha hụụnị ẹngụkata.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịmaakị 3:11

Ịjị aza ana nyị ụhwẹ echu nịnị re e kẹnẹ, dị ẹ hyẹdụ nya ẹtẹ ọ́ vịdị anị, di e nowu zẹtẹ, dị ẹ ka, “Ẹwa vị Ozi Ohomorihi nọ!”

1 Ịsamụwẹrị 6:1

Apoti Ẹnẹyịmavara ộ yà Ihwirisitiya mẹ ụhwẹ ịhịmba.

1 Ịsamụwẹrị 6:5

Ọga ori ẹnẹẹ rẹ ka Anihwirisiti nị ẹ vavọọ tụ́ igooru anka ịtahụ ana tụra wa, dị ẹ̀ rẹ vavọọ sị igooru tụ́ usu ene du aarẹ ẹnịnị ha, dị ẹ̀ sị na sị ụbanyị yị Ohomorihi Anisirẹrị. Ọga ori ẹnịnị ẹnẹẹ ka Anihwirisiti nị ẹ̀ vavọọ mẹ, ịsavọọ dị Ohomorihi ọ̀ za ụvọọ jẹẹ dị asị ọ kụkụ rẹ pa ịva yị ẹnịrị ori ẹnịnị ne beri ẹtẹ ẹnịnị.